دن تک کے لئے ان کے دلوں میں منافقت ڈال دی جس دن وہ اس سے ملیں گے۔

یعنی مال کی محبّت کے سبب اس منافق نے کنجوسی کی ، زکوٰۃ دینے سے انکار کیا ، اس نے وعدہ کیا تھا کہ رَبِّ کریم مجھے مال عطا فرمائے تو میں اس کے حقوق ادا کروں گا ، اس نے وعدہ خِلافی کی ، اللہ و رسول کے حکم سے مُنْہ پھیرا تو اسے سزا ملی کہ اس کے دِل میں مُنَافقت گھر کر گئی۔ ^{( [1] )}  

منافقوں کا ایک بُرا طرزِ عَمَل

اس آیتِ کریمہ کے تحت تفسیر صراط الجنان میں ہے : اس شخص کے طرزِ عمل  ( Behavior )  کو سامنے رکھ کر ہم اپنے حالات پر غور کریں ، ہم میں بھی بہت سے لوگ ایسے ہیں جن کے پاس مال نہیں ہوتا ، غُرْبَت کی زندگی گزار رہے ہوتے ہیں ، وہ دُعائیں کرتے ہیں : اے اللہ پاک !  ہمیں مال عطا فرما ، ہم اس مال کے ذریعے نیک کام کریں گے ، غریبوں کی مدد کریں گے ، بےسہاروں کا سہارا بنیں گے۔ مگر افسوس !  جب انہیں مال ملتا ہے ، ان کی غُرْبت امیری میں تبدیل ہوتی ہے تو  اللہ پاک سے کئے ہوئے سب وعدے بُھول جاتے ہیں ، مال کے ذریعے غریبوں ، بےسہاروں کی مدد کرنا تو دُور کی بات انہیں اچھی نظر سے دیکھنا بھی گوارا نہیں کرتے۔ یاد رکھئے !  قرآنِ کریم اس طرزِ عَمَل کو منافقوں کا انداز قرار دیتا ہے اور یقیناً یہ ایک سچے مسلمان کا کردار ( Character )  نہیں ہو سکتا۔ ^{( [2] )} کاش ! مال ودولت کی محبت کے بجائے ہمیں دولتِ عشقِ رسول نصیب ہو جائے۔ شیخِ طریقت ، امیرِ اہلسنّت دَامَت بَرَکاتُہم العالیہ