Book Name:Faizan e Rabi ul Akhir
ہر مہینے گیارہویں شریف کیجئے
اے عاشقانِ رسول ! ہو سکے تو ہر مہینے گیارہویں شریف کا اِہتمام کیجئے۔ ضروری نہیں کہ اس کے لئے ہزاروں روپے ہی خرچ کیے جائیں بلکہ جتنا آسانی سے میسر ہو ، اُسی سے اللہ پاک کے اس ولیِ کامل کی نیاز کیجئے ، چنانچہ حکیم الاُمّت حضرت مفتی احمد یار خان رَحْمَۃُ اللّٰہ عَلَیْہ فرماتے ہیں : اگر ہرچاندکی 11ویں شب یعنی 10ویں اور11ویں تا ریخ کی درمیانی رات کو مقرر پیسو ں کی شیرینی مسلمان کی دکان سے خر ید کرپا بندی سے گیارہویں کی فاتحہ دیا کرے تو رزق میں بہت ہی بَرَکت ہوگی اور اِنْ شَآء اللہ الْکَرِیْم ! کبھی پریشان حال نہ ہوگا مگر شر ط یہ ہے کہ کوئی تا ریخ ناغہ نہ کرے اور جتنے پیسے مقر ر کردے اس میں کمی نہ ہو اتنے ہی پیسے مقر ر کرے جتنے کی پابندی کرسکے۔ خود میں اس کا سختی سے پابند ہو ں اور اللہ پاک کے فضل سے اس کی خوبیاں بے شمار پاتا ہوں۔ ( [1] )
ہم کو گیارہ کا ہے عدد پیارا ان کی تاریخِ عرس ہے گیارہ
یوں عدد ہم کو پیارا گیارہ ہے واہ کیا بات غوثِ اعظم کی ( [2] )
پیارے اسلامی بھائیو ! ایمان اور عقائد کی دُرستی کے بعد تمام فَرائض میں نہایت اَہم و اَعظم نماز ہے۔ ( [3] ) قرآن وحدیث اس کی اَہمیّت سے مالامال ہیں۔ ایک روایت کے مطابق قِیامت کے روز سب سے پہلے نماز کا حساب لیا جائے گا۔ ( [4] ) قرآنِ پاک میں جابَجا اس