اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : مَیں نے سُنَّت اعتکاف کی نِیَّت کی )

درودِ پاک کی فضیلت

حضرت فُضَالہ بن عُبَیْد رَضِیَ اللہ عنہ صحابئ رسول ہیں ، آپ فرماتے ہیں : ایک روز اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَسَلَّم تشریف فرما تھے ، ایک شخص آیا ، اس نے نماز ادا کی ، پھر نماز سے فارغ ہو کر یُوں دُعا کی : اَللّٰہُمَّ اغْفِرْلِیْ وَارْحَمْنِیْ اے اللہ پاک ! میری مَغفِرَت کراور مجھ پر رَحم فرما۔ اس پر سرورِ عالَم ، نورِ مُجَسَّم  صَلَّی اللہ عَلَیْہِ وَ آلِہٖ وَسَلَّم نے فرمایا : اے نمازی ! تُو نے جلدی کی ، جب تم نماز پڑھو تو فارِغ ہونے کے بعد بیٹھ جاؤ ! پھر اللہ پاک کی حمد (Praise )  کرو جیسی اس کی شان کے لائق ہے ، پھر مجھ پر درود پڑھو ، پھر دُعا مانگو !

حضرت فُضَالہ بن عُبَیْد  رَضِیَ اللہ عنہ فرماتے ہیں : کچھ ہی دیر بعد ایک اور شخص آیا ، اس نے بھی نماز پڑھی ، پھر بیٹھ گیا ، اللہ پاک کی حمد کی ، پھر رسولِ اکرم ، نورِ مُجَسَّم  صَلَّی اللہ عَلَیْہِ وَ آلِہٖ وَسَلَّم پر درود پڑھا ، رسولِ رحمت ، شفیعِ اُمَّت صَلَّی اللہ عَلَیْہِ وَ آلِہٖ وَسَلَّم  نے فرمایا : اَیُّہَا الْمُصَلِّیْ اُدْعُ تُجَبْ اے نمازی  ! دُعا مانگ تیری دُعا قبول کی جائے گی۔ ^{( [1] )}  

حضرت علّامہ مُلّا علی قاری رَحمۃُ اللہ عَلَیْہ فرماتے ہیں : پہلے نمازی نے اللہ پاک کی بارگاہ