صَلَّی اللہ عَلَیْہِ واٰلہٖ وَسَلَّمَ پر دُرودِ پاک بھیجیں تو ان کے جدا ہونے سے پہلے دونوں کے اگلے پچھلے گناہ بخش دئیے جاتے ہیں۔ ( مسند ابی یعلیٰ ، مسند انس بن مالک ، ۳ / ۹۵حدیث : ۲۹۵۱ )

صَلُّوْا عَلَی الْحَبِیْب!                                                صَلَّی اللہ  عَلٰی مُحَمّد

فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔  ^{( [1] )}  اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے!  * عِلْم سیکھنے کے لئے پورا بیان سُنوں گا   *  با اَدب بیٹھوں گا  * دورانِ بیان سُستی سے بچوں گا   * اپنی اِصْلاح کے لئے بیان سُنوں گا   * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب!                                             صَلَّی اللہ عَلٰی مُحَمد

عظیم رات!

 پیارےاسلامی بھائیو! آج 1444سنِ ہجری کے ماہِ ربیعُ الاول کی 12ویں شب ہے ، اللہ تبارک وتعالیٰ کا لاکھ لاکھ شکر کہ جس نے ہمیں ایک مرتبہ پھر عظیمُ الشان فضائل و برکات والی مُقدّس رات نصیب فرمائی ، یہ وہ عظیم رات ہے کہ جس میں  رسولِ اکرم ، نورِ مجسّم ، شاہِ بنی آدم صَلَّی اللہ  عَلَیْہِ واٰلِہٖ وَسَلَّمَ کی دُنیا میں جلوہ گری ہوئی۔

 حضرتِ شیخ عبد الحق مُحَدِّث دِہلوی  رَحْمَۃُ اللّٰہ ِ عَلَیْہ فرماتے ہیں :  ” بےشک سَروَرِ عالم صَلَّی اللہ  عَلَیْہِ واٰلِہٖ وَسَلَّمَ کی شبِ ولادت ، شبِ قَدر سے بھی افضل ہے ، کیونکہ شبِ ولادت سرکارِ مَدینہ صَلَّی اللہ  عَلَیْہِ واٰلِہٖ وَسَلَّمَ کے اس دنیا میں جلوہ گر ہونے کی رات ہے ، جبکہلَیلَةُالقَدرسرکار صَلَّی اللہ  عَلَیْہِ واٰلِہٖ وَسَلَّمَ کو عطا کردہ شب ہے