یہ آج کاہے کی شادِی ہے عرش کیوں جھوما  لبِ زمیں نے لبِ آسماں کو کیوں چوما

رُسُل انہیں کا تو مژدہ سنانے آئے ہیں   انہیں کے آنے کی خوشیاں منانے آئے ہیں

فرشے آج جو دھومیں مچانے آئے ہیں   انہیں کے آنے کی شادِی رچانے آئے ہیں

یہ سیدھا راستہ حق کا بتانے آئے ہیں    یہ حق کے بندوں کو حق سے ملانے آئے ہیں

یہ بھولے بچھڑوں کو رستے پہ لانے آئے ہیں یہ بھولے بھٹکوں کو ہادِی بنانے آئے ہیں

چمک سے اپنی جہاں کو جگمگانے آئے ہیں    مہک سے اپنی یہ کُوچے بسانے آئے ہیں

یہی تو سوتے ہوؤں  کو جگانے آئے ہیں  یہی تو روتے ہوؤں کو ہنسانے آئے ہیں

انہیں خُدا نے کیا اپنے مُلک کا مالِک     انہیں کے قبضے میں ربّ کے خزانے آئے ہیں

جو چاہیں گے جسے چاہیں گے یہ اسے دیں گے کریم ہیں یہ خزانے لٹانے آئے ہیں

سنو گے ”لَا“ نہ زبانِ کریم سے نوریؔ  یہ فیض و جُود کے دریا بہانے آئے ہیں ^{( [1] )}

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

پیارے اسلامی بھائیو ! مکتبۃ المدینہ کی بہت پیاری کتاب ہے : صحابۂ کرام کا عشقِ رسول۔ * صحابۂ کرام علیہمُ الرّضوان  کی عشق بھری ایمان افروز کیفیات * ان کے محبّت بھرے جذبات * مبارک انداز * اطاعت گزاری * جاں نثاری   اور اس جیسے بہت دلچسپ واقعات اس کتاب کی زینت ہیں ، آئیے ! ان میں سے صحابۂ کرام علیہمُ الرّضوان کے عشقِ رسول کا ایک ایمان افروز واقعہ سُنتے ہیں :

شوقِ دیدارِ مصطفےٰ  صَلَّی اللہ علیہ وَآلہٖ و َسَلّم

حضرت مُصْعَب بِن عُمَیْر رَضِیَ اللہ عنہ صحابئ رسول ہیں ، ابھی سرکارِ عالی وقار ، مکی مدنی