قسم بے شک وہ اپنے نشہ  میں بھٹک رہے ہیں۔

اللہ  پاک نے اپنے محبوبِِ کریم صَلَّی اللّٰہُ عَلَیْہِ واٰلہٖ وَسَلَّمَ کے مُقدّس شہر کی قسم یاد فرمائی اور اِرشاد فرمایا :

لَاۤ اُقْسِمُ بِهٰذَا الْبَلَدِۙ(۱)   ( پارہ : 30 ، سورۂ بلد : 1 )

تَرْجَمَۂ کنز الایمان : مجھے اس شہر کی قسم۔

اللہ پاک نے نبیِ بے مثال ، سیدہ آمنہ کے لال صَلَّی اللّٰہُ عَلَیْہِ وَاٰلِہٖ وَسَلَّم کے زمانۂ مبارک کی قسم یاد فرماتے ہوئے اِرشاد فرمایا :

وَ الْعَصْرِۙ(۱)   ( پارہ : 30 ، سورۂ عصر : 1 )

تَرْجَمَۂ کنز الایمان : اس زمانۂ محبوب کی قسم۔

سرکارِ اعلیٰ حضرت مولانا شاہ امام احمد رضا خان رَحْمَۃُ اللّٰہ ِ عَلَیْہ اسی طرف اِشارہ کرتے ہوئے فرماتے ہیں :

ہے کلامِ الٰہی میں شَمس و ضُحٰے                 تِرے چہرۂ نور فزا کی قسم

قسمِ شبِ تار میں راز یہ تھا کہ                  حبیب   کی   زُلفِ  دوتا   کی  قسم ^{( [1] )}

وضاحت : اےمیرےآقا صَلَّی اللہ عَلَیْہِ وَاٰلِہٖ وَسَلَّم  ! قرآنِ مجیدمیں شَمْس و ضُحٰی فرما کراللہ پاک نےآپ  صَلَّی اللہ عَلَیْہِ وَاٰلِہٖ وَسَلَّم کےچہرۂ انورکی قسم یاد فرمائی ہے اور وَالَّیْلفرما کر آپ  صَلَّی اللہ عَلَیْہِ وَاٰلِہٖ وَسَلَّم کی خم دارسیاہ زلفوں کی قسم یاد فرمائی ہے۔

صَلُّو ْا عَلَی الْحَبیب !                                                                                                صَلَّی اللہ عَلٰی مُحَمَّد

پیارے اسلامی بھائیو ! دنیا کادستور ہےکہ بادشاہ جب اپنےدرباریوں میں سے کسی کو اپنی عنایتوں سےمخصوص  کرتےہیں تو اسےایسے خاص اِنعامات عطا کرتے ہیں ، جس سے