اِنَّاۤ اَعْطَیْنٰكَ الْكَوْثَرَؕ(۱)  ( پارہ : 30 ، سورۂ کوثر : 1 )

تَرجَمَۂ کنزُ الایمان : اے محبوب بےشک ہم نے تمہیں بے شُمار  خوبیاں عطا فرمائیں۔

حضرت علامہ مولانا مفتی محمد نعیم الدین مراد آبادی رَحْمَۃُ اللّٰہ عَلَیْہ  اس آیت ِکریمہ کے  تحت  فرماتے ہیں : اے محبوب بے شک ہم نے تمہیں بے شمُار خوبیاں عطا فرمائیں اور فضائلِ کثىرہ عناىت کرکے تمام خَلْق پر تمہیں افضل کىا ، حُسنِ ظاہِر بھى دىا ، حُسنِ باطِن بھى عطا فرمایا ، نسبِ عالى بھى دیا ، نبوت کا اعلیٰ مرتبہ بھى ، کتاب بھى عطا فرمائی اور ، حکمت بھى ، سب سے زیادہ علم بھى دیا اورسب سے پہلے شفاعت کرنے کااختیاربھى ، حوضِ کوثر جیسی عظیم نعمت بھى دی اور مقامِ محمود بھى ، کثرتِ اُمّت بھى آپ کا حصہ ہے اور دُشمنانِ اسلام پرغلبہ بھى آپ کو عطا کیا کثرت کے ساتھ فتوحاتبھى آپ کےلئےہیں اور بے شمارنعمتىں اور فضىلتىں آپ کو ایسی عطا فرمائی جن کى انتہاء نہىں۔ ^{( [1] )} اسی بات کی طرف اشارہ کرتےہوئےامامِ اہلسنت ، اِمام احمدرضاخان رَحْمَۃُ اللّٰہ عَلَیْہ فرماتے ہیں :

ربّ ہے مُعطِی یہ ہیں قاسِم                   رِزق اُس کا ہے کِھلاتے یہ ہیں

اِنَّاۤ اَعْطَیْنٰکَ الْکَوْثَر                            ساری  کثرت  پاتے  یہ  ہیں ^{( [2] )}

صَلُّو ْا عَلَی الْحَبِیْب !                                                                                                صَلَّی اللہ عَلٰی مُحَمَّد

حوضِ کوثر کس کو نصیب ہوگا؟

سُبْحٰنَ اللہ ! ہمارے آقا ، مکی مدنی مصطفیٰ صَلَّی اللّٰہُ عَلَیْہِ وَاٰلِہٖ وَسَلَّم  کو بہت کچھ عطاکیا گیا