سُبْحٰنَ اللہ ! عشقِ رسول کی دولت بھی کیسی نرالی ہے... ! !

دو عالَم سے کرتی ہے بیگانہ دِل کو        عجب چیز ہے لذّتِ آشنائی

اللہ پاک ان عُشّاقانِ رسول کے صدقے ہمیں بھی عشقِ رسول کی دولت نصیب فرمائے۔

دل عشقِ مُحَمَّد میں تڑپتا رہے ہر دم      سینے کو مدینہ مِرے اللہ بنا دے

بہتی رہے اکثر شہِ ابرار کے غم میں       روتی ہوئی وہ آنکھ مجھے میرے خدا دے ^{( [1] )}

 صَلُّوْا عَلَی الْحَبیب !                                                                     صَلَّی اللّٰہُ عَلٰی مُحَمَّد

ذیلی حلقے کے 12 دینی کاموں میں سے ایک کام : ہفتہ وار رسالہ مطالعہ

الحمد للہ ! آج کے اس پُرفتن دور میں عاشقانِ رسول کی دینی تحریک دعوتِ اسلامی دِلوں میں عشقِ رسول جگانے ، نیکی کی دعوت دینے اور اُمّت کو نیک نمازی بنانے کی کوشش میں مَصْرُوفِ عَمَل ہے ، آپ بھی دعوتِ اسلامی کے دینی ماحول سے وابستہ ہو جائیے ، ذیلی حلقے کے 12 دینی کاموں میں بھی خوب بڑھ چڑھ کر حِصّہ لیا کیجئے ! اِنْ شَآءَ اللہ الْکَرِیْم ! دِین و دُنیا کی بےشمار برکتیں نصیب ہوں گی۔ذیلی حلقے کے 12 دینی کاموں میں سے ایک دینی کام ہفتہ وار رسالہ مطالعہ بھی ہے۔ آئیے ! ترغیب کے لئے ایک مدنی بہار سنتے ہیں :

غیر مسلم مسلمان ہو گیا... ! !

    ہندکے ایک اسلامی بھائی کا کچھ اس طرح بیان ہے : میں کفر کے اندھیروں میں بھٹک رہا تھا ، ایک دن کسی نےشیخِ طریقت ، امیرِ اہلسنّت  حضرتِ علامہ مولانا ابو بلال محمد الیاس عطّار قادری رضوی ضیائیدَامَتْ بَرَکاتہمُ العَالِیَہ کا رسالہ احترامِ مسلم تحفے میں دیا مَیں نے پڑھا تو