تِرا نام لے کر جو مانگے وہ پائے          ترا نام لیوا ہے پیارا خدا کا

تِرے رُتبہ میں جس نے چُون و چَرا  کی      نہ     سمجھا         وہ           بدبخت          رُتبہ           خدا           کا ^{( [1] )}

پیارے اسلامی بھائیو ! اللہ پاک پارہ 26سورۂ فتح کی آیت نمبر 9میں فرماتا ہے :

وَ تُعَزِّرُوْهُ وَ تُوَقِّرُوْهُؕ   ( پارہ ، 26 ، سورۂ فتح : 9 )

تَرْجَمَۂ کنزالایمان :  اور رسول کی تعظیم و توقیر کرو۔

تفسیرِ صِراطُ الْجِنان میں اس آیتِ کریمہ کے تحت لکھا ہے : معلوم ہوا کہ اللہ پاک  کی بارگاہ میں  حضور پُرنور صَلَّی اللّٰہُ عَلَیْہِ واٰلِہٖ وَسَلَّم کی تعظیم اور توقیر انتہائی مطلوب اور بے انتہاء اہمیت کی حامل ہے کیونکہ یہاں اللہ پاک نے اپنی تسبیح پر اپنے حبیب  صَلَّی اللّٰہُ عَلَیْہِ واٰلِہٖ وَسَلَّم  کی تعظیم و توقیر کو مُقَدَّم فرمایا ہے۔  اور جو لوگ ایمان لانے کے بعدآپ صَلَّی اللّٰہُ عَلَیْہِ واٰلِہٖ وَسَلَّم کی تعظیم کرتے ہیں۔ ان کے کامیاب اور بامراد  ہونے کا اعلان کرتے ہوئے اللہ پاک اِرشاد فرماتا ہے :

فَالَّذِیْنَ اٰمَنُوْا بِهٖ وَ عَزَّرُوْهُ وَ نَصَرُوْهُ وَ اتَّبَعُوا النُّوْرَ الَّذِیْۤ اُنْزِلَ مَعَهٗۤۙ-اُولٰٓىٕكَ هُمُ الْمُفْلِحُوْنَ۠(۱۵۷)

 ( پارہ : 9 ، سورۂ اعراف : 157 )

ترجمۂ کنزُالعِرفان : تو وہ لوگ جو اس نبی پر ایمان لائیں  اور اس کی تعظیم کریں  اور اس کی مدد کریں  اور اس نور کی پیروی کریں  جو اس کے ساتھ نازل کیا گیا تو وہی لوگ فلاح پانے والے ہیں ۔

صَلُّوْا عَلَی الْحَبِیْب !                                                                                                صَلَّی اللّٰہُ عَلٰی مُحَمَّد

اےعاشقانِ ماہِ میلاد : رَبِیْعُ الْاَوَّل کی عظمتوں کےکیاکہنے ! اسےکائنات کی سب سے