بارہویں کوتو روزہ رکھنےکی بھر پور کوشش کیجئے ، کیونکہ ہمارے پیارے پیارے آقا ، مدینے والے صَلَّی اللہ  عَلَیْہِ وَاٰلِہٖ وَسَلَّم ہر پیر شریف کو روزہ رکھ کر اپنا یومِ ولادت مناتے  تھے۔  چنانچہ

حضرت اَبُو قَتَادَہ رَضِیَ اللہ عَنْہُ فرماتےہیں : حضورنبئ رحمت ، شفیعِ اُمّت  صَلَّی اللّٰہُ عَلَیْہِ واٰلِہٖ وَسَلَّم کی بارگاہ میں پیر کےروزے کے بارے میں دریافت کیاگیا توارشاد فرمایا : اِسی دن میری وِلادت ہوئی اور اسی روز مجھ پر وَحی نازِ ل ہوئی۔  ^{( [1] )}  

اے عاشقان ِرسول ! یقیناًایک سچےعاشقِ رسول کی پہچان یہ ہوتی ہےکہ وہ دنیاکی مَحَبَّت سے پیچھا چھڑا کر اپنی زندگی کے ہر  ہر معاملے میں اِطاعتِ رسول کواوڑھنا بچھونا بنا لیتا ہے ، اسکی ایک  مثال امیرِاہلسنَّت ، حَضْرتِ علّامہ مَولَانا محمدالیاس عطّار قادری دَامَت بَرَکاتہمُ الْعَالِیَہ  کی ذاتِ مُبارکہ  بھی ہے ، آپ دَامَت بَرَکاتہمُ الْعَالِیَہ  بارہویں  شریف اور بالخصوص ہر پیر شریف کو روزہ رکھتےہیں  اوراپنےمُریدین و مُحِبّین کوبھی ہرپیر شریف کاروزہ رکھنے کی بھر پُور ترغیب دِلاتےہیں۔ لہذاہمیں چاہئےکہ یادِمصطَفٰےمیں  نہ صرف خود بلکہ اپنے گھروالوں اور دوست احباب کوبھی بارہویں شریف کاروزہ رکھنے کی  دعوت دیں اور ربِّ کریم کی اس عظیم نعمت کا شکر ادا کریں  اور بارگاہِ مصطفٰےمیں ایصالِ ثواب پیش کرکے دنیاو آخرت کی برکتوں کے حقداربنیں ۔

 صَلُّوْا عَلَی الْحَبِیْب !                                                                                               صَلَّی اللّٰہُ عَلٰی مُحَمَّد

کثرت سے ذکرِ حبیب کیجئے

پیارے اسلامی بھائیو ! نبیٔ کریم ، رؤف رحیم صَلَّی اللّٰہُ عَلَیْہِ واٰلِہٖ وَسَلَّم  کی محبت ہمارے