یہ سُن کر علّامہ اِبْنِ نعمان رَحمۃُ اللہ عَلَیْہ کچھ سنبھلے اور عرض کیا : اے روزِ قیامت شفاعت ( Intercession )  فرمانے والے آقا  ( صلی اللہ عَلَیْہِ وَ آلِہٖ وَسَلَّم ) ! میری جان آپ پر فِدا ہو... ! ! اُس کے میلاد منانے کے سبب آپ اس سے بہت خوش ہیں ؟  فرمایا : اے اِبْنِ نعمان !  جو ہم سے خوش ہوتا ہے، ہم بھی  اس سے خوش ہوتے ہیں۔ ^{( [1] )}     

ہو مبارک اَہْلِ ایماں عیدِ میلاد النبی         ہو گئی قسمت درخشاں عیدِ میلاد النبی

چار جانِب دُھوم ہے سرکار کے میلاد کی   جھومتا ہے ہر مسلماں عیدِ میلاد النبی

کِھل اُٹھے مرجھائے دِل اور جان میں جان آگئی آگئے ہیں جانِ جاناں عیدِ میلاد النبی

یانبی !  اپنی وِلادت کی خوشی میں اپنا غم     دیجئے طیبہ کے سُلطاں عیدِ میلاد النبی ^{( [2] )}

صَلُّوْا عَلَی الْحَبیب !                                                                      صَلَّی اللّٰہُ عَلٰی مُحَمَّد

 اے عاشقانِ رسول ! الحمد للہ !  الحمد للہ !  ماہِ مبارک، ماہِ نُور، یعنی ماہِ رَبِیْعُ الْاَوَّل چونکہ حُضُور پُر نُور صلی اللہ عَلَیْہِ وَ آلِہٖ وَسَلَّم کی وِلادتِ باسَعَادت کا مہینا  ( Month ) ہے، اس لئے اس ماہِ مبارک کے تشریف لاتے ہی پیارے پیارے آقا، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم کے دیوانوں میں خوشی کی لہر  ( Wave of Happiness ) دوڑ جاتی ہے، بوڑھا ہو یا جوان ہر حقیقی مسلمان گویا دِل کی زبان سے بول اُٹھتا ہے :

نثار تیری چہل پہل پر ہزار عیدیں ربیعُ الاوّل

سوائے اِبلیس کے جہاں میں سبھی تو خوشیا ں منا رہے ہیں

اللہ پاک ہمیں اس مبارک مہینے کی برکتیں نصیب فرمائے، ہم بھی جشنِ وِلادت کی