اِنَّهٗ مَنْ یَّاْتِ رَبَّهٗ مُجْرِمًا فَاِنَّ لَهٗ جَهَنَّمَؕ-لَا یَمُوْتُ فِیْهَا وَ لَا یَحْیٰى(۷۴) وَ مَنْ یَّاْتِهٖ مُؤْمِنًا قَدْ عَمِلَ الصّٰلِحٰتِ فَاُولٰٓىٕكَ لَهُمُ الدَّرَجٰتُ الْعُلٰىۙ(۷۵) جَنّٰتُ عَدْنٍ تَجْرِیْ مِنْ تَحْتِهَا الْاَنْهٰرُ خٰلِدِیْنَ فِیْهَاؕ-وَ ذٰلِكَ جَزٰٓؤُا مَنْ تَزَكّٰى۠(۷۶)   (پارہ : 16 ، سورۂ طٰہٰ : 74 تا76)                                                                                                                                                                                                             

ترجمہ کنز العرفان : بیشک جو اپنے رب کے حضور مجرم ہوکر آئے گاتو ضرور اس کے لیے جہنم ہے جس میں  نہ مرے گا اور نہ (ہی چین سے)زندہ رہے گا۔  اور جو اس کے حضور ایمان والا ہوکر آئے گاکہ اس نے نیک اعمال کئے ہوں  تو ان کیلئے بلند درجات ہیں ۔ ہمیشہ رہنے کے باغات ہیں  جن کے نیچے نہریں  جاری ہیں ، ہمیشہ ان میں  رہیں  گے اور یہ اس کی جزا ہے جو پاک ہوا۔

ان آیات کی تفسیر میں مُفَسِّرِینِ کرام فرماتے ہیں : مُجْرِم یعنی جو کافِر ہے یا گنہگار ہے اگر یہ اسی حالت میں ایمان لائے بغیراور توبہ کئے بغیر دُنیا سے چلا گیا تو  روزِ قیامت جہنّم کا حقدار ہو گا ، نہ اسے جہنّم میں موت آئے گی ، نہ چین سے زِندہ رہ سکے گا جبکہ وہ خوش نصیب جو حالتِ ایمان میں نیکیاں کرتے ہوئے دُنیا سے گیا ، اس کے لئے بلند درجات ہیں ، ہمیشہ رہنے والے باغات ہیں ، جنّت کی نہریں ہیں ، یہ خوش نصیب ہمیشہ جنّت میں رہے گا۔ ^([1])

پیارے اسلامی بھائیو!  ان آیات میں لوگوں کی 2 قسمیں بتائی گئیں؛(1) : مجرم (2) : نیکو کار۔ جو روزِ قیامت رَبِّ قہار کی بارگاہ میں مُجْرِم بن کر پیش ہو گا ، اس کے لئے