رحمٰن  صلی اللہُ عَلَیْہِ وَ آلِہٖ وَسَلَّم  نے فرمایا : قرآنِ کریم روزِ قیامت تشریف لائے گا اور تِلاوت کرنے والے کی سفارش کرتے ہوئے اللہ پاک کی بارگاہ میں کہے گا : اے رَبِّ کریم! اسے زینت عطا فرما۔ چنانچہ تلاوت کرنے والے کو کرامت کا تاج پہنا دیا جائے گا۔ قرآنِ کریم کہے گا : یَا رَبّ زِدْہُ اِلٰہی! اِضَافہ فرما۔ چنانچہ تِلاوت کرنے والے کو کرامت کا لباس پہنا دیا جائے گا ، قرآنِ کریم کہے گا : یَارَبِّ  اِرْضِ عَنْہُ اے رَبِّ کریم! اس بندے سے راضِی ہو جا۔ اللہ پاک اُس سے راضی ہو جائے گا اور حکم ہو گا : اے بندے قرآنِ کریم پڑھتا جا ، جنّت کے درجات چڑھتا جا۔ ^([1])

تلاوت کروں ہر گھڑی یااِلٰہی!             بکوں نہ کبھی بھی میں واہی تباہی

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

اللہ پاک اُس دِل کو عذاب نہیں دیتا

حضرت ابو اُمامہ  رَضِیَ اللہُ عنہ  سے روایت ہے ، اللہ پاک کے آخری نبی ، رسولِ ہاشمی  صلی اللہُ عَلَیْہِ وَ آلِہٖ وَسَلَّم  نے فرمایا : قرآن پڑھا کرو! بے شک جو دِل قرآنِ کریم کا جُزْدان ہو ، اللہ پاک اُس دِل کو عذاب نہیں دیتا۔ ^([2])

فلموں سے ڈراموں سے عطا کر دے تُو نفرت                                     بس شوق مجھے نعت و تلاوت کا خُدا دے

سورہ حٰم السجدہ کی برکت

حضرت حسن بن عَمْرو فزاری  رَحمۃُ اللہِ عَلَیْہ   فرماتے ہیں : حضرت  ثابت بنانی  رَحمۃُ اللہِ عَلَیْہ  ایک مرتبہ حضرت مُطرف بن عبد اللہ  رَحمۃُ اللہِ عَلَیْہ  کے پاس گئے ، اس وقت حضرت مطرف