سے ان کے جگر پھٹ جائیں گے ، ان کی آنکھوں کے ڈھیلے گالوں پر بہہ جائیں  گے اور رخساروں کا گوشت  جھڑ جائے گا ، ان کے اعضاء سے  بال بلکہ کھال تک گِر جائے گی ، جب جب ان  کی جلد خراب ہو گی تو دوسری جلد سے بدل دی جائے گی۔  آہ! اَہْلِ جہنّم کی ہڈیاں گوشت سے خالی رہ جائیں گی  ان کی  روحیں  انکی رگوں اور پٹھوں میں اٹکی  ہوں گی اوران کی رگیں جہنم کی آگ سے خشک ہو جائیں گی۔ وہ موت کی تمنا کریں گے مگر انہیں موت نہ آئے گی۔ ^([1])

آئیے!مل کر گنہگاروں کو بخشوانے والے آقا ، جنّت دِلانے والے آقا ، مکی مدنی مصطفےٰ  صلی اللہُ عَلَیْہِ وَ آلِہٖ وَسَلَّم   کی بارگاہ میں فریاد کرتے ہیں :

میں مجرِم ہوں جہنَّم میں اگر پھینکا گیا مجھ کو                          ہَلاکت ہوگی ہائے ! کیا کروں گا یارسولَ اللہ

لپک کر آگ کے شُعلے لپٹتے ہوں گے بربادی                                                  کرم کر دو یہ سب کیسے سہوں گا یارسولَ اللہ

اندھیری آگ ہوگی روشنی بالکل نہیں ہوگی                       کرم کر دو یہ سب کیسے سہوں گا یارسولَ اللہ

وہاں کانوں میں ، آنکھوں میں ، دَہَن میں ، پیٹ میں بھی آگ!                           کرم کر دو یہ سب کیسے سہوں گا یارسولَ اللہ

جِبالِ نار ہوں گے وادِیاں بھی نار کی ہوں گی                         کرم کر دو یہ سب کیسے سہوں گا یارسولَ اللہ

فِرِشتے ڈانٹتے ہوں گے ہَتھَوڑے ما رتے ہوں گے                              کرم کر دو یہ سب کیسے سہوں گا یارسولَ اللہ

وہاں سانپ اور بچّھو بھی مسلسل ڈَس رہے ہوں گے                      کرم کر دو یہ سب کیسے سہوں گا یارسولَ اللہ