تم سبھی کو ایک نہ ایک دِن یہاں ویرانے میں قبر کے گہرے گڑھے کے اندر  آ پڑنا ہے۔

ہے یہاں سے تجھ کو جانا ایک دِن                 قبر میں ہو گا ٹھکانا ایک دِن

منہ خُدا کو ہے دکھانا ایک دِن                       اب نہ غفلت میں گنوانا ایک دِن

ایک دِن مرنا ہے آخر موت ہے

کر لے جو کرنا ہے آخر موت ہے

آنے والی کس سے ٹالی جائے گی؟                جان ٹھہری جانے والی جائے گی

رُوح رگ رگ سے نکالی جائے گی                  تجھ پہ اک دِن خاک ڈالی جائے گی

ایک دِن مرنا ہے آخر موت ہے

کر لے جو کرنا ہے آخر موت ہے

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

مصیبت تَو قبروں کے اندر ہے

نواسۂ رسول حضرت امام حُسَین  رَضِیَ اللہُ عنہ  کے متعلق روایت ہے کہ آپ جب قبروں کو دیکھتے تو فرماتے : اُوپَر سے یہ قبریں کیسی بھلی لگتی ہیں مگر مصیبت تَو ان کے اندر ہے ، اللہ! اللہ! اے اللہ کے بندو...! دُنیا میں مشغول نہ ہو جاؤ! بےشک قبر عَمَل کا گھر ہے ، نیک اَعْمَال کر لو! ان سے غفلت مت برتو...!! ^([1])

قبر روزانہ یہ کرتی ہے پُکار                          مجھ میں ہیں کیڑے مکوڑے بےشُمار

یاد رکھ! میں ہوں اندھیری کوٹھڑی                تجھ کو ہو گی مجھ میں سُن! وحشت بڑی

میرے اندر تُو اکیلا آئے گا                        ہاں مگر اعمال لیتا آئے گا