کرے گا*  روزہ دار  کے لئےقیامت کے دن سونے کا دستر خوان  لگایا جائے گا*  روزہ دار  کا روزہ  اس کے سابقہ گناہوں کا کفارہ بن جائے گا*  روزہ دار  کے چہرے کو اللہ پاک جہنم سے 70 سال کی مسافت دُور کر دے گا ۔ ^([1])

جو نادان کسی شرعی مجبوری کے بغیر روزۂ رمضان ترک کردیتا ہے  وہ سَخت گنہگار اور عذابِ نار کا حقدار ہے۔ روایات کے مطابق جو شرعی مجبوری کے بغیر رمضان شریف کا ایک روزہ ضائع کر دے تو اب عُمر بھر روزے رکھتا رہے ، تب بھی اُس چھوڑے ہوئے ایک روزے کی فضیلت نہیں پا سکتا۔ ^([2])

اللہ پاک اپنے پیارے حبیب  صلی اللہُ عَلَیْہِ وَ آلِہٖ وَ سَلَّم کے صدقے  ہمیں اپنے قَہر وغَضَب سے بچائے ، ماہِ رمضان المبارک کے پُورے روزے خوش دِلی سے ، ذوق و شوق کے ساتھ رکھنے کی توفیق نصیب فرمائے ۔ اٰمِیْن بِجَاہِ خَاتَمِ النَّبِیّٖنَ  صلی اللہُ عَلَیْہِ وَ آلِہٖ وَ سَلَّم ۔   

اعتکاف کے چند فضائل

پیارے اسلامی بھائیو! الحمد للہ! دعوتِ اسلامی کے دینی ماحول میں دُنیا بھر میں ہزاروں مقامات پر اجتماعی اعتکاف کروایا جاتا ہے ، اعتکاف گُنَاہوں سے بچنے اور ماہِ رمضان نیکیوں میں گزارنے کا بہترین ذریعہ ہے ، ابھی سے پُورا ماہِ رمضان یا کم از کم آخری عشرے کے اجتماعی اعتکاف میں شرکت کرنے کی نیت کر لیجئے! *اللہ پاک کے آخری نبی ، مکی مدنی صَلَّی اللہُ عَلَیْہِ وَاٰلِہٖ وَسَلَّم نے فرمایا : جو اللہ پاک کی رضا و خوشنودی کے لئے ایک دِن کا اعتکاف کرے گا اللہ پاک اس کے اور جہنّم کے درمیان 3 خندقیں حائِل کر دے گا ،