میں ناجائِز ردّ و بدل کرنا یا امانت واپس نہ لوٹانا۔ حضرت مجاہد  رَحمۃُ اللہِ عَلَیْہ  فرماتے ہیں : دھوکا اور خیانت آگ میں ہے ، دھوکا دینا اور خیانت کرنا مسلمانوں کے اَخْلاق نہیں۔

جو دُکانیں خِیانت سے چمکائیں گے!               کیااُنہیں زَر کے اَنبار کام آئیں گے؟

قہرِ قَهّار سے کیا بچا پائیں گے؟                                              جی نہیں ، نارِدوزخ میں لے جائیں گے

مالِ دنیا ہے دونوں جہاں میں وبال                                   آئیگا  قَبر  میں  ساتھ  ہر گز  نہ مال^([1])

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

قبر میں سلامتی کے لئے چغلی سے بچئے!

قبر کے عذاب کا سبب بننے والا تیسرا گُنَاہ چغلی ہے۔ فساد ڈلوانے کے لئے ایک شخص کی بات دوسرے تک پہنچانے کو چغلی کہتے ہیں۔ ^([2])اللہ پاک کے آخری نبی ، رسولِ ہاشمی  صلی اللہُ عَلَیْہِ وَ آلِہٖ وَسَلَّم  نے فرمایا : چغل خوری کرنے والوں کو اللہ پاک (قیامت کے دِن) کتّوں کی شکل میں اُٹھائے گا۔ ^([3])  

مجھے غیبت و چغلی و بدگمانی                           کی آفات سے تُو بچا یااِلٰہی!

قبر میں سلامتی کے لئے پاکیزہ رہیے

قبر میں نقصان پہنچانے والا چوتھا بُرا عَمَل ہے : پیشاب کے چھینٹوں سے نہ بچنا۔ اللہ پاک کے رسول ، رسولِ مقبول  صلی اللہُ عَلَیْہِ وَ آلِہٖ وَسَلَّم  کا فرمانِ عبرت نشان ہے : اکثر عذابِ قبر پیشاب (کے چھینٹوں سے نہ بچنے) کی وجہ سے ہوتا ہے۔ ^([4])