آپ بھی عِلْمِ دین کی اشاعت اور خدمتِ دین کے اس عظیم کام میں اپنا حِصّہ شامِل کیجئے ، اپنی زکوٰۃ ، فطرہ اور دیگر صدقات و خیرات دعوتِ اسلامی کو دیجئے۔ اِنْ شَآءَ اللہُ الْکَرِیْم! دِین و دُنیا کی بھلائیاں نصیب ہوں گی۔  اللہ پاک ہم سب کو دِینِ اسلام کی سربلندی کے لیے کوشاں اِن شعبہ جات  اور دعوتِ اسلامی کے ساتھ دل کھول کرراہِ خدامیں خرچ کرنے کی توفیق عطا فرمائے آمِیْن بِجَاہِ خَاتَمِ النَّبِیّٖن صلی اللہُ عَلَیْہِ وَ آلِہٖ وَ سَلَّم  ۔

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

قبر میں کام آنے والا تیسرا نیک عَمَل : تلاوتِ قرآن

 اے عاشقانِ رسول ! قبر میں کام آنے والے نیک اَعْمَال میں تیسرا نیک عَمَل ہے : تِلاوتِ قرآنِ کریم۔  * قرآنِ کریم اللہ پاک کا کلام ہے*  تِلاوتِ قرآن سے رحمت ملتی ہے*  تِلاوت کی برکت سے مصیبت ٹلتی ہے*  تِلاوت کی برکت سے غم دُور ہوتے ہیں * تِلاوت کرنا سُنّتِ مصطفےٰ ہے * تلاوت کرنا صحابۂ کرام  رَضِیَ اللہُ عنہم  کا طریقہ ہے*  تِلاوت قیامت کی ہولناکی سے بچاتی ہے * اور تِلاوت کی برکت سے قبر روشن ہوتی ہے۔

واہ کیا بات ہے عاشِقِ قرآن کی

حضرتِ ثابِت بُنانی  رَحمۃُ اللہِ عَلَیْہ  روزانہ ایک بار ختمِ قرآنِ پاک فرماتے تھے ۔ آپ ہمیشہ دن کوروزہ رکھتے اورساری رات قِیام (عبادت) کرتے ، جس مسجِد سے گزر تے اس میں دو رَکعت (تَحِیَّۃُ الْمَسْجِد)ضَرورپڑھتے۔ نَماز اور تِلاوتِ قرآن سے آپ کو خُصوصی مَحَبَّت تھی ، آپ پر ایسا کرم ہوا کہ رشک آتا ہے۔ منقول ہے : جب بھی لوگ آپ کے مزارِ