ہر عبادت سے بَرتَر عبادت نَماز                   ساری دولت سے بڑھ کر ہے دولت نَماز

قلبِ غمگیں کا سامانِ فَرحت نَماز                  ہے مریضوں کو پیغامِ صِحَّت نَماز

نارِ دوزخ سے بے شک بچائے گی یہ             رب سے دلوائے گی تم کو جنَّت نَماز

پیارے آقا کی آنکھوں کی ٹھنڈک ہے یہ          قلبِ شاہِ مدینہ کی راحت نَماز

بھائیو! گر خُدا کی رِضا چاہئے                         آپ پڑھتے رہیں باجماعت نَماز

آئیے! نیت کرتے ہیں کہ آج سے ہماری کوئی نماز قضا نہیں ہو گی ،  ہم پانچوں نمازیں مسجد میں باجماعت ادا کیا کریں گے ، خُدانخواستہ پہلے اگر کوئی نماز قضا ہوئی ہے تو وہ بھی جلد سے جلد ادا کر لیں گے۔ اِنْ شَآءَ اللہُ الْکَرِیْم!

قبر میں کام آنے والا دوسرا  نیک عَمَل : صدقہ

قبر کے اندھیرے کو روشنی میں اور وَحْشت کو امن و سکون میں بدلنے والا دوسرا عمل ہے : صدقہ و خیرات۔ اللہ پاک کے آخری نبی ، رسولِ ہاشمی  صلی اللہُ عَلَیْہِ وَ آلِہٖ سَلَّم   کا مبارک فرمان ہے : اِنَّ الصَّدَقَۃَ لَتُطْفِئُ عَلٰی  اَهْلِہَا حَرَّ الْقُبُوْرِ   بے شک صدقہ قبر کی گرمی کو بجھاتا ہے۔ ^([1])

اے عاشقانِ رسول ! قبر کی گرمی اور وحشت سے بچنے  کے لئے صدقہ و خیرات (Charity) کی عادت بنائیے! بےشک صدقہ  (یعنی راہِ خُدا میں کچھ دینا) بڑی فضیلت والا کام ہے * صدقہ برائیوں کے دروازے بند کرتا ہے * صدقہ قبر کی گرمی سے بچاتا ہے * صدقہ گُنَاہوں کو یُوں مٹاتا ہے جیسے پانی آگ کو بجھا دیتا ہے * صدقہ بلاؤں کو ٹالتا ہے * صدقہ عمر میں برکت کا سبب ہے * صدقہ بُری موت سے بچاتا ہے * صدقہ اللہ پاک کے غضب کو بجھاتا ہے * صدقہ کرنے سے رزق میں برکت ہوتی ہے * صدقہ و خیرات