Book Name:Faizan-e-Ghous-ul-Azam
کرآپ رَحْمَۃُ اللّٰہ عَلَیْہ کی خدمت میں عِلْمِ دین حاصل کرنے اور آپ رَحْمَۃُ اللّٰہ عَلَیْہ کے فیض سے برکتیں لُوٹنے کے لئے حاضر ہوتے رہے،آپ رَحْمَۃُ اللّٰہ عَلَیْہ علم و عمل کےایسے پیکر تھے کہ جو بھی آپ رَحْمَۃُ اللّٰہ عَلَیْہ کے پاس علم حاصل کرنےکےلئےحاضرہوتا،وہ خا لی ہاتھ نہ لوٹتا تھا۔آئیے!غوثِ پاک رَحْمَۃُ اللّٰہ عَلَیْہ کے علم و عمل اورپڑھانےکی خوبیوں اور علمی خدمات کے بارے میں سُنتے ہیں،چُنانچہ
حضرت قاضی ابو سعید مُبارَک رَحْمَۃُ اللّٰہ عَلَیْہ کا بغداد میں ایک مدرسہ تھا، وہ اس میں علم حاصل کرنے والوں کو علم سکھایا کرتے تھے، جب قاضی صاحب رَحْمَۃُ اللّٰہ عَلَیْہ کو غوثِ پاک رَحْمَۃُ اللّٰہ عَلَیْہ کے علمی و عملی فضل و کمالات کا علم ہوا تو قاضی صاحب رَحْمَۃُ اللّٰہ عَلَیْہ نے اپنا مدرسہ آپ رَحْمَۃُ اللّٰہ عَلَیْہ کے حوالے کر دیا،پھر جب لوگوں نے غوثِ پاک رَحْمَۃُ اللّٰہ عَلَیْہ کے فضل وکمال اورعلمی مہارت کا چرچا سنا تو لوگوں کی کثیر تعداد آپ رَحْمَۃُ اللّٰہ عَلَیْہ کی بارگاہ میں عِلْمِ دِین حاصل کرنے کے لئے حاضر ہونے لگی۔([1])
پیارے پیارے اسلامی بھائیو!حُضُور غوثِ پاک رَحْمَۃُ اللّٰہ عَلَیْہ علم و عمل کے پیکر اور زبردست اَخْلاق کے مالک تھے ،آپ رَحْمَۃُ اللّٰہ عَلَیْہ طَلَبہ پراِنتہائی شفقت فرماتےاوران کی چھوٹی چھوٹی ضروریات کا بھی خیال رکھتے،چنانچہ
حضرت امام اِبنِ قُدَامَہ حَنبلیرَحْمَۃُ اللّٰہ عَلَیْہ کی بارگا ہ میں حضورغَوثُ الاعظم سیدشیخ عبد القادر