ہزار(1000) عبادت کرنے والوں سے زیادہ بھاری اس لیے ہے کہ وہ شیطان کے دھوکے میں نہیں آتا اور لوگوں کو بھلائی کا حکم دیتا ہے جبکہ عبادت کرنے والا شیطان  کے دھوکے میں آجاتا ہے اور اسے خبر بھی نہیں ہوتی۔^([1])

حضرت اِبراہیم بِن اَدہم رَحْمَۃُ اللّٰہ عَلَیْہ فرماتے ہیں:شیطان پرعقلمند عالِم سے زیادہ سخت کوئی نہیں، اِس لیے کہ عالِم بولتاہے تو عِلْم کے ساتھ بولتا ہے،چُپ ہوتا ہے توعَقل کے ساتھ چُپ ہوتا ہے، آخر شیطان جھنجھلا کر کہہ اُٹھتا ہے:’’دیکھو تو! مجھ پر اس کی گفتگو اس کی خاموشی سے بھی زیادہ ناگوار ہوتی ہے!‘‘ ^([2])اللہ پاک ہمیں عِلْمِ دِین  کی بَرکتوں سے مالا مال فرمائے۔اٰمِیْن بِجَاہِ النَّبِیِّ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ ^([3])

علم والے عزت والے ہیں

پیاری پیاری اسلامی بہنو! عِلْمِ دین کی جس عظیم دولت کے ذریعے ربِّ کریم عزت عطا فرماتا ہے ہمیں چاہئے کہ اُسے حاصل کرنے کی کوشش میں مشغول ہوجائیں۔یاد رکھئے!جسےاللہ پاک نے عِلْم ِدین کے زیور سے آراستہ کیا اُس کے درجات کو بلندی عطا کر دی گئی،چنانچہ

 پارہ 28 سُوْرَۃُ الْمُجَادَلَہ کی آیت نمبر11میں ارشاد ہوتاہے:

یَرْفَعِ اللّٰهُ الَّذِیْنَ اٰمَنُوْا مِنْكُمْۙ-وَ الَّذِیْنَ اُوْتُوا الْعِلْمَ دَرَجٰتٍؕ          (پ ۲۸،المجادلۃ :۱۱)                                       

ترجمۂ کنزالعرفان:اللہ تم میں  سے ایمان والوں  کے اور ان کے درجات بلند فرماتا ہے جنہیں  علم دیا گیا