ہمیں بھی نمازی، اسلامی بہنوں کی بھلائی چاہنے والیاں،عِلْمِ دین سیکھنے سکھانے والیاں بنائے۔آمِیْن بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد

      پیاری پیاری اسلامی بہنو!بیان کو اِخْتِتام کی طرف لاتے ہوئے سُنّت کی فضیلت، چندسُنّتیں اور آداب بَیان کرنے کی سَعَادَت حاصِل کرتیہوں۔تاجدارِ رسالت،شَہَنْشاہِ نُبُوَّت  صَلَّی اللہُ   عَلَیْہِ وَاٰلِہٖ وَسَلَّمَ کا فرمانِ جنّت نشان ہے:جس نے میری سنّت سے مَحَبَّت کی اُس نے مجھ سے مَحَبَّت کی اور جس نے مجھ سے مَحَبَّت کی وہ جنّت میں میرےساتھ ہوگا۔^([1])

صَلُّو ْا عَلَی الْحَبِیْب!                                          صَلَّی اللہُ عَلٰی مُحَمَّد

نام رکھنے کے آداب

      پیاری پیاری اسلامی بہنو! آیئے نام رکھنے کے چند آداب سننےکی سعادت حاصل کرتی ہیں۔ پہلے 2 فرامینِ مُصْطَفٰےصَلَّی اللّٰہُ عَلَیْہِ واٰلِہٖ وَسَلَّمَملاحظہ کیجئے: (1) ارشاد فرمایا :قیامت کے دن تم اپنے اور اپنے آباء کے ناموں سے پکارے جاؤ گے، لہٰذا اپنے اچّھے نام رکھا کرو۔^([2]) (2) ارشاد فرمایا: انبیاء عَلَیْہِمُ الصَّلٰوۃُ وَالسَّلام کے ناموں پر نام رکھو۔^([3]) ٭بچّے کی کُنیت رکھنا جائز ہے اور حُصُول ِ برکت کےلئے بزرگوں کی نسبت سےکُنْیَت رکھنابہتر ہے، مثلاً ابوتُراب (یہ حضرت علیرَضِیَ اللّٰہُ عَنْہُ کی کُنیت ہے) وغیرہ^([4])