Peeron Ke Aap Peer Hain

حمد و نعت

ماہنامہ نومبر 2021

منقبت

پیروں کے آپ پیر ہیں ، یا غوث المدد

اَہلِ صَفا کے مِیْر ہیں ، یا غوث المدد

رنج و اَلَم کثیر ہیں ، یا غوث المدد

ہم عاجز و اسیر ہیں ، یا غوث المدد

ہم کیسے جی رہے ہیں یہ تم سے کیا کہیں

ہم ہیں الم کے تیر ہیں ، یا غوث المدد

کس دل سے ہو بیان بے دادِ ظالماں

ظالم بڑے شریر ہیں ، یا غوث المدد

اَہلِ صَفا نے پائی ہے تم سے رَہِ صفا

سب تم سے مُسْتَنِیْر ہیں ، یا غوث المدد

صدقہ رسولِ پاک کا جھولی میں ڈال دو

ہم قادری فقیر ہیں ، یا غوث المدد

دل کی سنائے اختؔر دل کی زبان میں

کہتے یہ بہتے نِیْر ہیں ، یا غوث المدد

از : تاجُ الشّریعہ مفتی اختر رضا خان  رحمۃُ اللہِ علیہ

سفینۂ بخشش ، ص74

مشکل الفاظ کے معانی :

 اَہلِ صَفا : نیک لوگ۔ مِیْر : امیر کا مُخَفَّف ، سردار۔ بے دادِ ظالماں : ظالموں کے ظلم و ستم۔ رَہِ صَفا : نیکی کی راہ۔ مُسْتَنِیْر : روشنی طلب کرنےوالے۔ نِیْر : آنسو۔