Dawateislami Ke Madani Rasail Ki Dhom Dham

مدنی رسائل کے مطالعہ کی دھوم

ماہنامہ ستمبر 2021

شیخ ِ طریقت ، امیرِ اہلِ سنّت حضرت علّامہ محمد الیاس عطّاؔر قادری  دامت بَرَکَاتُہمُ العالیہ  نے شوّالُ المکرم اور ذوالقعدۃ الحرام 1442ھ میں درج ذیل مَدَنی رسائل پڑھنے / سننے کی ترغیب دلائی اور  پڑھنے / سننے والوں کو دُعاؤں سے نوازا :

 (1)یااللہ پاک! جو کوئی17صفحات کا رِسالہ “ فیضانِ امام بُخاری “ پڑھ یا سُن لے اُسے امام بخاری کے عشقِ رسول سے حصّہ عطا فرما اور اُسے بے حساب بخش دے ، اٰمِیْن

(2)یااللہ پاک! جو کوئی 17صفحات کا رِسالہ “ اِرشاداتِ امام احمد رضا “ پڑھ یا سُن لے اُسے امام احمد رضا خان کے فیضان سے مالا مال فرما کر بِلاحساب جنّتُ الفردوس میں داخلہ نصیب فرما ، اٰمِیْن

(3)یاربَّ المصطَفٰے! جو کوئی17صفحات کا رِسالہ “ اپنی پریشانی ظاہِر کرنا کیسا؟ “ پڑھ یا سُن لے اُسے اپنی رِضا کے لئے مصیبتوں پر صبر اور بہت زیادہ اَجْر عطا کر اور اُسے جنَّتُ الْفِردوس میں اپنے پیارے نبی حضرت اَیُّوب (علیہ الصّلوٰۃُوالسّلام) کا پڑوس نصیب فرما ، اٰمِیْن

(4)یااللہ پاک! جو کوئی 17صفحات کا رِسالہ “ بادشاہ کی سڑی ہوئی لاش “ پڑھ یا سُن لے اُس کے سارے گناہ مُعاف فرما اور اُسے اپنا مقبول بندہ بنا کر بےحساب مغفرت سے نواز دے ، اٰمِیْن

(5)یااللہ پاک! جو کوئی17صفحات کا رِسالہ “ کام کے اَوراد “ پڑھ یا سُن لے اُسے گناہوں اور فُضُول کاموں سے بچا اور اُس کو ذِکر و دُرود میں مشغول رہنے والی زبان عطا فرما اور اُس کی بے حساب مَغفِرت کر ، اٰمِیْن

(6)یاربَّ المصطَفےٰ! جو کوئی 17صفحات کا رِسالہ “ امام مالِک کا عشقِ رسول “ پڑھ یا سُن لے اُسے امام مالک کے صدقے عشقِ مدینہ سے مالا مال فرما ، اُسے بار بار مدینۂ پاک کی باادب حاضِری نصیب فرما اس کو بے حساب بخش دے۔ اٰمِیْن

(7)یاربَّ المصطَفٰے! جو کوئی 17 صفحات کا رِسالہ “ گھریلو جھگڑوں کا علاج “ پڑھ یا سُن لے اُس کے گھر بار اور روزگار میں برکتیں عطا فرما کر اُسے اپنی راہ میں خرچ کرنے کی توفیق عطا فرما۔ اٰمِیْن

(8)یااللہ پاک! جو کوئی17صفحات کا رِسالہ “ قُربانی کیوں کرتے ہیں؟ “ پڑھ یا سُن لے اُسے ہر سال خوش دلی سے قربانی کرنے کی سعادت عطا فرما اور اُس کی قُربانی کو اُس کے لئے پُلْ صِراط کی سُواری بنا۔

 اٰمِیْن بِجَاہِ النّبیِّ الْاَمِیْن  صلَّی اللہ علیہ واٰلہٖ وسلَّم