Dil Bhara Ata Hy Ya Mahboob-e-Subhaan Le Khabar

Istighaasah

Dil bhara ata hay Ya Mahboob-e-Subhaan lay khabar

Lay khabar Shah-e-Madinah ay mayri jaan lay khabar

Lay khabar Sultan-e-‘Alam lay khabar Sultan-e-Deen

Lay khabar Sardar-e-Kul Mahboob-e-Rahman lay khabar

Gaur-e-Tayrah mayn faqeer-e-bay nawa ka kon hay?

Mah-e-Taaban lay khabar Mah-e-Darakhshan lay khabar

Pursish-e-A’maal ka hay waqt Maula Al-Madad

Khul rahi hay mujrimon ki fard-e-‘isyaan lay khabar

Keh raha hay yoon zaban-e-haal say har mu-e-tan

Lay khabar ay taj walay! Shah-e-Khuban lay khabar

Ya Shafi’-ul-Muznibeen Ya Rahmatan-lil-‘Aalameen

Tayray sadaqay tujh pay qurban ho mayri jaan lay khabar

Saykron Razavi ziyarat say musharraf ho chukay

Mayn bhi hoon adna Sag-e-Ahmad Raza Khan lay khabar

Written by: Maulana Syed Ayyub Ali Razavi رَحْمَةُ الـلّٰـهِ عَلَيْه

(Shamaim-e-Bakhshish, p. 38)