Share this link via
بیعتِ رضوان اور شانِ عثمانِ غنی
خصوصی شانیں ہیں، ان میں سے ایک خصوصی شان بیعتِ رِضْوان بھی ہے۔ بَیْعتِ رِضْوان آپ ہی کے لیے ہوئی، آپ ہی کے حق میں ہوئی اور اس بیعت میں حضرت عثمانِ غنی رضی اللہ عنہ کو یہ خصوصی شان بھی حاصِل ہوئی کہ محبوبِ ذیشان، مکی مدنی مصطفےٰ صَلَّی اللہ علیہ وَآلہٖ و َسَلَّم نے خُود حضرت عثمانِ غنی رضی اللہ عنہ کی نمائندگی فرمائی۔ آئیے! اس بیعت کا ذِکْرِ خیر سنتے ہیں:
ہجرت کا چھٹا سال تھا، پیارے آقا، مکی مدنی مصطفےٰ صَلَّی اللہ علیہ وَآلہٖ و َسَلَّم نے عمرہ کی ادائیگی کا اِرادہ فرمایا اور سینکڑوں صحابۂ کرام رضی اللہ عنہم کو ساتھ لے کر مکہ پاک کی طرف روانہ ہوئے۔
جب حُدَیْبِیَہ نامی مقام آیا تو اچانک آپ صَلَّی اللہ علیہ وَآلہٖ و َسَلَّم کی مبارَک اُونٹنی قَصْوا بیٹھ گئی، صحابۂ کرام رضی اللہ عنہم کو پریشانی ہوئی کہ آج قَصْوا خِلافِ عادَت یُوں کیوں بیٹھ گئی ہے۔ آپ صَلَّی اللہ علیہ وَآلہٖ و َسَلَّم نے فرمایا:
ما خَلاَتِ القَصْوَاءُ، وَما ذَاكَ لَها بِخُلُقٍ، وَلٰكِنْ حَبَسَهَا حَابِسُ الفِيْلِ
ترجمہ: قَصْوا ضِدْ کر کے نہیں بیٹھی، نہ اس کی یہ عادَت ہے بلکہ اِسے اُسی (رَبِّ کریم) نے روک دِیا ہے، جس نے ہاتھیوں (یعنی اَبْرَہَہ کی فوج) کو رَوک دیا تھا۔([1])
یعنی قَصْوا اُونٹنی کا یُوں خِلافِ مَعْمُول بیٹھ جانا ایک خُدائی اشارہ تھا کہ یہ مبارَک قافلہ مکہ پاک کی طرف نہ بڑھے بلکہ یہیں حُدَیبِیَہ میں ٹھہر جائے۔
BOOK TOPIC
- درودِ پاک کی فضیلت
- حضرت عثمانِ غنی رضی اللہ عنہ کا مختصر تعارف
- شانِ عثمانِ غنی میں چند احادیث
- بیعتِ رِضْوان اور شانِ عثمانِ غنی رضی اللہ عنہ
- بیعتِ رِضْوان کا واقعہ
- کیا نصیبے ہیں تیرے یاروں کے
- آیتِ کریمہ کی مختصر وضاحت
- ٹھہرے تھے تم جس پیڑ کے نیچے
- دستِ حبیبِ خُدا، ہاتھ بنا آپ کا
- اُن کا ہاتھ یَدُ اللہ ہے
- (1): حضرت عثمانِ غنی اور سُنّتِ مصطفےٰ سے محبت!
- ٹخنے ننگے رکھا کیجیے...!!
- (2):آقا کریم صَلَّی اللہ علیہ وَآلہٖ و َسَلَّم سے پہلے طواف نہ کیا
- رسول اللہ صَلَّی اللہ علیہ وَآلہٖ و َسَلَّم سے آگے بڑھنا منع ہے
- عثمان ہر گز طواف نہیں کریں گے
- یومِ عثمانِ غنی مَنائیے!
- تجہیز و تکفین ایپلی کیشن
- درست کیا ہے؟
- کام کو مرضی کے مطابق کرنے کا وظیفہ
