Share this link via
شهادتِ عثمانِ غني رَضِیَ اللہُ عَنۡہ
دروازو کَڙڪيو، پياري نبي، رسولِ هاشمي صَلَّی اللهُ عَلَیْهِ وَ آلِهٖ وَ سَلَّم ٻيهر فرمايو: اِفْتَحْ لَهٗ وَ بَشِّرْهُ بِالْجَنَّۃِ دروازو کول ۽ ان کي (يعني ايندڙ کي) جنت جي خوشخبري ٻڌاءِ!). حضرت ابوموسيٰ اشعري رَضِىَ اللهُ عَنْهُ فرمائن ٿا: مون دروازو کوليو، اهي ايندڙ حضرت عمر فاروقِ اعظم رَضِىَ اللهُ عَنْهُ هئا، مون کين به جنت جي خوشخبري ٻڌائي، انهن به الله پاڪ جو شڪر ادا ڪيو (۽ بارگاهِ رسالت ۾ حاضر ٿي ويا). ڪجهه دير کان پوءِ ٽيون ڀيرو دروازو کَڙڪيو، هن ڀيري غيب جون ڳالهيون ڄاڻيندڙ نبي، رسولِ هاشمي صَلَّی اللهُ عَلَیْهِ وَ آلِهٖ وَ سَلَّم فرمايو: اِفْتَحْ لَهٗ وَ بَشِّرْهُ بِالْجَنَّۃِ عَلٰی بَلْوٰی تُصِیْبُهٗ يعني دروازو کول ۽ ايندڙ کي ٻڌائي ڇڏ ته هڪ مصيبت جيڪا کين پهچندي، ان کان پوءِ هي جنتي آهن.
حضرت ابوموسيٰ رَضِىَ اللهُ عَنْهُ فرمائن ٿا: مون دروازو کوليو ته سامهون حضرت عثمانِ غني رَضِىَ اللهُ عَنْهُ هئا، مون کين جنت جي خوشخبري ٻڌائي ۽ هي به ٻڌايو ته جلد ئي کين هڪ امتحان پيش ايندو، حضرت عثمان رَضِىَ اللهُ عَنْهُ جنت جي خوشخبري ملڻ تي الله پاڪ جو شڪر ادا ڪيو ۽ چيو: اَللهُ الْمُسْتَعَانُ الله مددگار آهي (يعني مون کي جيڪا مصيبت پهچندي، الله پاڪ جي مدد سان اِنْ شَآءَ اللہُ الْکَرِیْم! مان ان ۾ ڪامياب ٿي ويندس) [1]
هن حديثِ پاڪ ۾ به ڏسو! پياري آقا، مڪي مدني مصطفيٰ صَلَّی اللهُ عَلَیْهِ وَآلِهٖ وَسَلَّم غيب جي خبر ڏني ۽ ٻڌايو ته عثمانِ غني رَضِىَ اللهُ عَنْهُ هڪ امتحان مان گذرندا، پوءِ ان امتحان ۾ ڪامياب به ٿيندا ۽ ان کان پوءِ جنت ۾ پهچي ويندا.
[1]...بخاری، کتاب فضائل اصحاب النبی، باب مناقب عمر بن الخطاب رَضِیَ اللہُ عنہ ، صفحہ:936، حدیث:3693۔
BOOK TOPIC
- درودِ پاڪ جي فضيلت
- حضرت عثمانِ غني رَضِيَ اللهُ عَنْه جو مختصر تعارف
- شهادتِ عثمانِ غني هڪ راز آهي
- آيتِ ڪريمه جي مختصر وضاحت
- شهادتِ عثمان بابت غيب جون خبرون
- الله پاڪ سان ملاقات جو شوق رکو!
- اي ملائڪو! هي مون سان ملڻ چاهين ٿا
- بارگاهِ اِلٰهي ۾ حاضريءَ لاءِ تيار رهو!
- اُمت جي ناڪاميءَ جو هڪ سبب
- رازدارِ مصطفيٰ صلَّی اللہُ عَلَیْہ ِوَاٰلِہٖ وَسَلَّمَ
- شهادت جو واقعو
- رت وهائڻ منظور نه فرمايائون
- عثمانِ غني جي ابراهيم عَلَيْهِ السَّلام سان مشابهت
- عثمانِ غني رَضِىَ اللهُ عَنْهُ جون 3 خاص وصفون
- الله پاڪ جي رضا ۾ راضي رهو!
- عثمانِ غني رَضِىَ اللهُ عَنْهُ تي ڪرم
- مدفن ۾ ملائڪن جو هجوم
- گستاخ جو عبرتناڪ انجام
- يومِ عثمانِ غني ملهايو!
- اسماءُ الحسنيٰ جون برڪتون (وظيفو)
