يعني يو ده د الله پاک رضا، يو ده د محبوبِ خُدا صَلَّى اللهُ عَلَيْهِ وَاٰلِهٖ وَسَلَّم رضا، دې دواړو (يعني د الله پاک رضا او د رسول الله صَلَّى اللهُ عَلَيْهِ وَاٰلِهٖ وَسَلَّم رضا) په خپلو کښې تل تر تله دا پوخ لوظ کړے دے چې دواړه به يو ځائے وي، يعني د چا چې د الله پاک رضا پکار وي، هغه دې د الله پاک محبوب صَلَّى اللهُ عَلَيْهِ وَاٰلِهٖ وَسَلَّم رضا کړي، د چا نه چې د الله پاک محبوب صَلَّى اللهُ عَلَيْهِ وَاٰلِهٖ وَسَلَّم رضا شي، الله پاک به هم د هغه نه رضا شي۔

معلومه شوه چې د چا نه د الله پاک محبوب نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم رضا شي، هغه به د آخرت د ټولو نه لوئي انعام يعني د الله پاک د رضا حقدار شي او د الله پاک په فضل سره حضرت عثمانِ غني رَضِىَ اللهُ عَـنْهُ هغه اوچتې مرتبې والا صحابي دے چې رسول الله صَلَّى اللهُ عَلَيْهِ وَاٰلِهٖ وَسَلَّم ټوله شپه د هغوئي د پاره دعا اوکړه چې: اے الله پاکه! زه د عثمان نه رضا يم، ته هم د هغه نه رضا شه۔

اوس لږه اندازه اولګوئ! دا د حضرت عثمانِ غني رَضِىَ اللهُ عَـنْهُ څومره لوئي فضيلت دے۔

اللہ سے کیا پیار ہے عثمانِ غنی کا                 محبوبِ خُدا یار ہے عثمانِ غنی کا

گرمی پہ یہ بازار ہے عثمانِ غنی کا                                                                          اللہ  خریدار  ہے  عثمانِ  غنی  کا^([1])

       د رسول الله صَلَّى اللهُ عَلَيْهِ وَاٰلِهٖ وَسَلَّم د رضا حاصلولو کوشش اوکړئ!

اے عاشقانِ رسول! مونږ له هم پکار دي! چې مونږ هم د الله پاک د محبوب، د نبيانو د سردار صَلَّى اللهُ عَلَيْهِ وَاٰلِهٖ وَسَلَّم د رضا کولو کوشش اوکړو  * نيک کارونه اوکړو * د ګناهونو نه ځان بچ کړو * درود شريف اولولو * ذِکرُ الله اوکړو *  د قرآنِ پاک زيات تلاوت اوکړو * د مکي مدني نبي صَلَّى اللهُ عَلَيْهِ وَاٰلِهٖ وَسَلَّم غم ځپلي اُمَّت په غم کښې شريک شو * د عاشقان رسول سره همدردي اوکړو * د نورو پکار راشو، چې داسې اوکړو