Do Noor Wale Sahabi

مِعْیار ہے ، اللہ پاک نے فرمایا :

لَقَدْ كَانَ لَكُمْ فِیْ رَسُوْلِ اللّٰهِ اُسْوَةٌ حَسَنَةٌ (پارہ:21 ، سورۂ احزاب:21)

ترجَمہ کنزُ الایمان : بےشک تمہیں رسول اللہ کی پیروی بہتر ہے۔

معلوم ہوا؛ سرورِ عالم ، نورِ مُجَسَّم صَلَّی اللہُ عَلَیْہِ وَ آلِہٖ وَسَلَّم کی مبارک زِندگی ہمارے لئے بہترین نمونہ ہے * ہم نے اس کی پیروی کرنی ہے ، زمانہ کیسا چل رہا ہے ؟ حالات کیسے ہیں ؟ ہم نے یہ نہیں دیکھناہم نے یہ دیکھنا ہے کہ ہمارے محبوب آقا ، سرورِ انبیا صَلَّی اللہُ عَلَیْہِ وَ آلِہٖ وَسَلَّم کی تعلیم کیا ہے * کپڑے خریدنے ہیں تو یہ نہ دیکھیں کہ فیشن کونسا چل رہا ہے ، یہ دیکھیں ! ہمارے آقا صَلَّی اللہُ عَلَیْہِ وَ آلِہٖ وَسَلَّم کا لباس مبارک کیسا ہوتا تھا * بال بنوانے ہیں تو یہ نہ دیکھیں آج کل ٹرینڈ ( Trend) کیا چل رہا ہے ، یہ دیکھیں کہ ہمارے آقا صَلَّی اللہُ عَلَیْہِ وَ آلِہٖ وَسَلَّم کے بال مبارک کیسے تھے ، غرض اٹھنے میں ، بیٹھنے میں ، چلنے میں ، سونے میں ، جاگنے میں ، آنے میں ، جانے میں ، ہر ہر معاملے میں ہم نے فیشن نہیں دیکھنا ، زمانے کے حالات نہیں دیکھنے بلکہ ہم نے ایک ہی بات دیکھنی ہے ، وہ یہ کہ ہمارے محبوب آقا ، مکی مدنی مصطفےٰ صَلَّی اللہُ عَلَیْہِ وَ آلِہٖ وَسَلَّم کی مبارک ادا کیسی ہے۔ کاش... ! ہمیں بھی حضرت عثمانِ غنی رَضِیَ اللہُ عنہ جیسا عشقِ رسول نصیب ہو جائے ، ہمیں بھی ایسی خوبصورت سوچ مل جائے اور ہم بھی سُنّتِ مصطفےٰ کی چلتی پھرتی تَصْوِیر بن جائیں۔

فنا اتنا تو ہو جاؤں میں تیری ذات عالی میں جو مجھ کو دیکھ لے اس کو ترا دیدار ہو جائے^{(^[1])}

[1]...فیضان صدیق اکبر ، صفحہ:239۔

Important

Mobile Apps

Contact Us