ہوئی “ ہردَفْعہ یہی کہے۔ یعنی جب ایک اَدا ہوئی تو باقیوں میں جوسب سے پہلی ہے۔ اسی طَرح ظُہر وغیرہ ہر نَماز میں نِیَّت کرے۔ جس پر بَہُت سی نَمازیں قَضا ہوں اس کے لئے صُورت تَخفیف اور جلد اَدا ہونے کی یہ ہے کہ خالی رَکعتوں(یعنی ظُہر ، عَصْر اور عشاء کی آخری دو اور مَغْرب کی آخری ایک رکعت ) میں بجائے  اَلْحَمْد شریف کے تین بار سُبْحٰنَ اللہ کہے ، اگر ایک بار بھی کہہ لے گا تو فرض ادا ہو جائے گا نیز تَسْبِیْحاتِ رُکُوع وسُجُود میں صِرْف ایک ایک بارسُبْحٰنَ رَبِّیَ الْعَظیم اورسُبْحٰنَ رَبِّی الْاَعلٰی پڑھ لینا کافی ہے۔ تَشَہُّد کے بعد دونوں دُرُود شَریف کے بجائے اَللّٰھُمَّ صَلِّ عَلیٰ سَیِّدِنَا مُحمَّدٍ وَّاٰلِہٖ۔ وِتْروں میں بَجائے دُعائے قُنُوت کے رَبِّ اغْفِرْلِیْ کہنا کافی ہے ۔ طُلُوعِ آفتاب کے بیس مِنَٹ بعد اور غُرُوبِ آفتاب سے بیس مِنَٹ قبل نَماز ادا کر سکتا ہے ۔ اس سے پہلے یا اس سے بعد ناجائز ہے۔ ہر ایساشَخْص جس کے ذِمّہ نَمازیں باقی ہیں چُھپ کر پڑھے کہ گُناہ کا اِعلان (اظہار)جائز نہیں۔

                                                اللہ پاک ہم سب کو نمازوں کی پابندی اور قضاشدہ نمازوں کی ادائیگی کرنے کی توفیق عطا فرمائے۔

اٰمِیْن بِجَاہِ النَّبیِّ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ 

عمر   میں   چُھوٹی   ہے  گر کوئی  نَماز               جلد   ادا   کرلے   تُو  آ غفلت  سے  باز

کرلے توبہ ربّ کی رحمت ہے بڑی             قبر    میں   ورنہ    سزا     ہوگی     کڑی

صَلُّوا عَلَی الْحَبیب!                                                                                              صَلَّی اللّٰہُ عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور  چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت ، شہنشاہِ نبوت صَلّی اللہ عَلَیْہ وآلِہ وسَلَّم نے فرمایا : مَنْ اَحَبَّ سُنَّتِي فَقَدْ اَحَبَّنِي وَمَنْ اَحَبَّنِي كَانَ مَعِي فِي الْجنَّة جس  نے میری سُنّت سے محبت کی اس نے مجھ