اَلْحَمْدُ لِلہِ رَبِّ الْعَالَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ! فَاَعُوْذُ بِاللہ مِنَ الشَّیْطٰنِ الرَّجِیْمِ ^ط بِسْمِ اللہ الرَّحْمٰنِ الرَّحِیْمِ ^ط

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                                  وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                                وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ : میں نے سُنَّت اعتکاف کی نِیَّت کی)

پیارے پیارے اسلامی بھائیو! مسجد مسلمان کی پناہ گاہ ہے۔ مسجد میں کثرت سے آنے کی عادت بنائیے ، اِنْ شَآءَ اللہ! شیطان سے بھی حفاظت ہو گی ، گُنَاہوں سے بھی محفوظ رہیں گے۔ ایک اور کام بھی کرلینا چاہیے وہ یہ کہ جب بھی مسجد میں آئیں ، یاد کر کے اعتکاف کی نیت بھی کر لی جائے اس کے دو۲ فائدے ہوں گے : اَوَّل یہ کہ جب تک مسجد میں رہیں گے ، نفل اعتکاف کا ثواب ملتا رہے گا ، دوسرا یہ کہ مسجد میں کھانا ، پینا ، سونا ، سحری افطاری کرنا ، دَم کیا ہوا پانی پینا وغیرہ مطلقاً جائز نہیں ، لیکن اگراعتکاف کی نیت کر لیں گے تو ضمناًیہ چیزیں بھی جائِز ہو جائیں گی۔

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

دُرُود شریف کی فضیلت :

نبیِّ اکرم ، نورِ مُجَسّم صَلّی اللہ عَلَیْہ وآلِہ وسَلَّم کا فرمانِ عالی شان ہے : جس نے مجھ پر صبح و شام 10 ، 10بار دُرُود شریف پڑھااُسے قیامت کے دن میری شَفاعت ملے گی۔ ⁽[1]⁾

کہیں گے اور نبی اِذْھَبُوْا اِلیٰ غَیْرِیْ                          میرے حضور کے لَب پر اَنَا لَھَا ہوگا⁽[2]⁾

شعر کی وضاحت : قیامت کے دن جب لوگ مختلف انبیائے اکرام عَلَیْہِمُ الصَّلٰوۃُ وَالسَّلَام کی خِدمت میں