قلیل روزی پہ دو قناعت، فضول گوئی سے دیدو نفرت

درود پڑھتا رہوں بکثرت، نبیِ  رحمت شفیعِ  اُمّت

(وسائلِ بخشش مرمم،ص۲۰۸)

صَلُّوْا عَلَی الْحَبیب!                                    صَلَّی اللّٰہُ عَلٰی مُحَمَّد

      پیارے پیارےاسلامی بھائیو!حُصُولِ ثواب کی خاطِر بَیان سُننےسےپہلےاَچّھی اَچّھی نیّتیں کرلیتےہیں۔فَرمانِ مُصْطَفٰےصَلَّی اللّٰہُ عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘مُسَلمان کی نِیَّت اُس کےعمل سے بہتر ہے۔(معجم کبیر،سہل بن سعد الساعدی…الخ، ۶ / ۱۸۵ ،حدیث:۵۹۴۲)

مسئلہ:نیک اور جائز کام میں جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننےکی نیّتیں:

       نگاہیں نیچی کیےخُوب کان لگاکر بیان سُنُوں گا٭ٹیک لگاکر بیٹھنےکے بجائےعِلمِ دِیْن کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً  سِمَٹ سَرک کر دوسرے کےلئےجگہ کُشادہ کروں گا ٭دھکّاوغیرہ لگاتوصبرکروں گا، گُھورنے،جِھڑکنےاور اُلجھنےسےبچوں گا٭صَلُّوْا عَلَی الْحَبِیْبِ، اُذْکُرُوا اللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانےاورصدا لگانے والوں کی دل جُوئی کےلئے بُلند آواز سے جواب دوں گا ٭اجتماع کے بعد خُود آگےبڑھ کر سَلَام و مُصَافَحَہ اور اِنْفِرادی کوشش کروں گا۔

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

      پیارے پیارےاسلامی بھائیو!دنیاآخرت کی کھیتی ہے،انسان اس دنیا میں جوبوئےگا وہی آخرت میں کاٹےگا،کیونکہ قیامت کادن  نیکیوں کی جزائیں اور گناہوں کی سزائیں ملنے کا دن ہے،