(3)نبیِ پاک صَلَّی اللہُ عَلَیْہِ وَاٰلِہٖ وَسَلَّم نے ارشادفرمایا :رمضان کے روزے اور ہر مہینے میں تین دن کے روزے سینے کی خرابی کودُور کرتے ہیں۔(مسندامام احمد، احادیث رجال من اصحاب النبی،۹/۳۶، حدیث:۲۳۱۳۲)

نماز و روزہ و حجّ و زکوٰۃ کی توفیق                     عطا ہو اُمّتِ محبوب کو سدا یارب

(وسائلِ بخشش مُرمَّم،ص۸۸)

صَلُّوْا عَلَی الْحَبِیْب                                        صَلَّی اللّٰہُ عَلٰی مُحَمّد

دارُالاِفتاءاَہلسُنّت

سُبْحٰنَ اللہ!روزہ کتنی پیاری عبادت ہے کہ جو دنیاوی  واُخْروی برکتوں کا مجموعہ ہے اور روزہ دار کو اس کی خوب خوب برکتیں ملتی ہیں،لہٰذا اگر ہم بھی ان برکتوں کو پانا چاہتے ہیں تو  ہمیں بھی چاہئے کہ ماہِ صفر بلکہ  دیگر مہینوں میں بھی خصوصیت کے ساتھ یہ روزے ضرور رکھنے کی سعادت حاصل کریں۔

اَلْحَمْدُلِلّٰہ عاشقانِ رسول کی مَدَنی تحریک دعوتِ اسلامی کے مدنی ماحول میں نفل روزوں کا خوب ذہن دیا جاتا ہے اور اس ماحول سے وابستہ بعض عاشقانِ رسول نفل روزوں کے بھی پابند ہیں،لہٰذا ہِمَّت کیجئےاور ان عاشقانِ رسول کی صحبت پانے کے لئے دعوتِ اسلامی کے مدنی ماحول کو اپنالیجئے۔اَلْحَمْدُلِلّٰہ دعوتِ اسلامی دنیا بھر میں کم  و بیش107شعبہ جات میں دینِ مَتِیْن کی خدمت میں مصروفِ عمل ہے، اِنہی شُعبہ جات میں سے ایک”دارُالاِفتاء اَہلسُنّت“ بھی ہے،اب تک کراچی کے مُختلِف علاقوں اور پاکستان کے مُختلِف شہروں میں بھی کئی ”دارُ الاِفتاء اَہلسُنّت“قائم ہوچکے ہیں،جہاں مُفْتِیانِ کِرام اُمّتِ مُسْلِمَہ کی شرعی رہنمائی میں مَصْرُوفِ عمل ہیں ۔اِس کے علاوہ’’دارُالاِفتاءاَہلسُنَّت‘‘کے مُفْتِیانِ کِرام ٹیلی  فون اور اِنْٹر نیٹ پر دُنیا بھر کے مُسلمانوں کی طرف سے پوچھے جانے والے مَسائل کا حل بتاتے ہیں۔انٹرنیٹ کے ذریعے دُنیا بھرسے اِس میل ایڈریس(darulifta@dawateislami.net) پر