آس ہے کوئی نہ پاس ایک تمہاری ہے آس                                                    بس ہے یہی آسرا تم پہ کروروں دُرُود

(حدائقِ بخشش،ص۲۶۷)

شعر کی وضاحت:یارسولَ اللہ صَلَّی اللّٰہُ عَلَیْہِ واٰلِہٖ وَسَلَّمَ!آپ کے علاوہ مخلوق میں مجھے کسی سے کوئی اُمید نہیں۔میری ساری اُمیدیں بس آپ ہی سے وابستہ ہیں۔اے میرے پیارے آقا!آپ ہی میرا آخری سہارا ہیں۔آپ  پراللہ پاک کی کروڑوں رحمتیں ہوں۔

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

پیارے پیارے اسلامی  بھائیو!حُصُولِ ثواب کی خاطِر بَیان سُننےسے پہلےاَچّھی اَچّھی نیّتیں کرلیتےہیں۔فَرمانِ مُصْطَفٰےصَلَّی اللّٰہُ  عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘مُسَلمان کی نِیَّت اُس کےعمل سے بہتر ہے۔(معجم کبیر، ۶ / ۱۸۵ ،حدیث:۵۹۴۲)

مسئلہ :نیک اور جائز کام میں جِتنی اَچّھی نیّتیں زِیادہ،اُتنا ثواب بھی زِیادہ۔  

بَیان سُننےکی نیّتیں

نگاہیں نیچی کیےخُوب کان لگاکر بیان سُنُوں گا٭ٹیک لگاکر بیٹھنےکےبجائےعِلمِ دِین کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمٹ سَرک کر دوسرے کےلئےجگہ کُشادہ کروں گا ٭دھکّاوغیرہ لگاتوصبرکروں گا،گُھورنے،جِھڑکنےاور اُلجھنےسےبچوں گا٭صَلُّوْا عَلَی الْحَبِیْب،اُذْکُرُوا اللّٰـہ،تُوبُوْا اِلَی اللّٰـہ وغیرہ سُن  کر ثواب کمانےاورصدا لگانے والوں کی دل جُوئی کےلئے بُلند آواز سے جواب دوں گا ٭اجتماع کے بعد خُود آگےبڑھ کر سَلَام و مُصَافَحَہ اور اِنْفِرادی کوشش کروں گا۔

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمّد