(4)حاجی سے دُعائے مَغفِرت کروائیے

            امیرُالمؤمنین حضرت عمر فاروقِ اعظمرَضِیَ اللہُ عَنْہنے فرمایا:حج کر نے والا مغفرت یافتہ ہےاور حاجی ذُوالْحِجۃالْحَرام،محرّمُ الحرام، صَفَرُالْمُظَفَّر اورربیعُ الاوّل کے 20دنوں میں جس کے لئے استغفار کرے اس کی بھی مغفرت ہو جاتی ہے۔( احیاء العلوم، کتاب اسرار الحج، الباب الاول ۔۔۔   الخ، الفصل الاول ۔۔۔ الخ ، ۱/۳۲۳)

مغفرت کا ہوں تجھ سے سُوالی                                              پھیرنا اپنے در سے نہ خالی

مجھ گنہگار کی التجا ہے                    یاخدا تجھ سے میری دعا ہے

(وسائل بخشش مرمم،ص۱۳۶)

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

12 مَدَنی کاموں میں  سے ایک  مَدَنی کام ’’چوک دَرْس‘‘

      پیارے پیارے اسلامی بھائیو!صَفَرُالمُظَفَّر کی اہمیت کو سمجھنے،اس مہینے کی برکتیں لُوٹنے اور اس تعلق سے پھیلی ہوئیں غلط فہمیوں سے نجات پانے کے لئے عاشقانِ رسول کی مَدَنی تحریک دعوتِ اسلامی کا مَدَنی ماحول ایک بہت بڑی نعمت ہے،لہٰذااس نعمت سے فائد ہ اُٹھائیے،آج بلکہ ابھی سے اس ماحول کی برکتوں کو لُوٹنے والے عاشقان ِرسول میں شامل ہوکر ذیلی حلقے میں مدنی کاموں  کی مضبوطی میں اپنا کِردار ادا  کرکے ثوابِِ عظیم کے حق دار بن جائیے۔

       یاد رہے!ذیلی حلقے کے12 مَدَنی کاموں میں سے روزانہ کا ایک مَدَنی کام ”چوک دَرْس“بھی ہے۔ ماہِ صَفَرُالْمُظَفَّر اپنی برکتیں لُٹا رہاہے،یہ وہی مہینا ہے جس میں یومِ رضا بھی ہے،اے کاش!اعلیٰ