موقع کی مناسبت اور نوعیت کے اعتبار سے نیتوں میں کمی ،بیشی وتبدیلی کی جاسکتی ہے۔

نگاہیں نیچی کئے خُوب کان لگا کر بَیان سُنُوںگی۔ ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گی۔ضَرورَتاً سِمَٹ سَرَک کر دوسری اسلامی بہنوں کے لئے جگہ کُشادہ کروں گی۔دھکّا وغیرہ لگا تو صبر کروں گی، گُھورنے،جِھڑکنےاوراُلجھنے سے بچوں گی۔صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والی کی دل جُوئی کے لئےپست آواز سے جواب دوں گی۔اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گی۔ دورانِ بیان موبائل کے غیر ضروری استعمال سے بچوں گی، نہ بیان ریکارڈ کروں گی نہ ہی اور کسی قسم کی آواز  کہ  اِس کی اجازت نہیں ،جو کچھ سنوں گی، اسے سن   اور سمجھ   کر اس پہ عمل کرنے اور اسے بعد میں دوسروں تک پہنچا   کر نیکی کی دعوت عام کرنے کی سعادت حاصل کروں گی۔

                                                                                     صَلُّوْا عَلَی الْحَبِیْب!                                                   صَلَّی اللّٰہُ  عَلٰی مُحَمّد

پیاری پیاری اسلامی بہنو! اِنْ شَآءَاللہ!آج  کے بیان میں ہم  صحابَۂ کرامرَضِیَ اللہُ  عَنْہُمْ اَجْمَعِیْن،اولیائے کرام رَحْمَۃُ اللّٰہ ِ  عَلَیْہِمْ اَجْمَعِیْن  اور مفتیِ دعوتِ اسلامی مفتی محمد فاروق عطاری مَدَنیرَحْمَۃُ اللہِ  عَلَیْہ کی سیرت و کردارکی چند جھلکیاں سننے کی سعادت حاصل کریں گی۔آئیے!پہلے آقا کریم صَلَّی اللّٰہُ عَلَیْہِ واٰلِہٖ وَسَلَّمَ کے مشہور صحابی اور دوسرے خلیفہ امیرُالمؤمنین حضرت فاروقِ اعظم رَضِیَ اللہُ عَنْہُ کی سیرت کا ایک فکر انگیز واقعہ  سنتی ہیں،چنانچہ

زخمی حالت میں بھی نمازادافرمائی

مکتبۃ المدینہ کی کتاب”فیضانِ فاروقِ اعظم“جلد اول کے صفحہ نمبر758پر لکھا ہے: اَمِیْرُ المؤمنین حضرت عمر فاروقِ اعظمرَضِیَ اللّٰہُ  عَنْہُ کی عادتِ مبارَکہ تھی کہ نماز شروع کرنے سے پہلے اعلان فرماتے:”اَقِیْمُوْاصُفُوْفَکُمْ یعنی اپنی صفیں سیدھی کرلو۔“پھرنماز شروع کرتے۔ اَبُولُؤلُؤ بھی صف میں