حضرت سَیِّدُنا ابُو الشیخ اَصبہانی رَحْمَۃُ اللّٰہ عَلَیْہ نے حضرت سَیِّدُنا ثابت بُنانی رَحْمَۃُ اللّٰہ عَلَیْہ سے روایت کی:ہم سے ذکر کیا گیا ہے:” جو شخص مسلمان مَردوں اور عورَتوں کے لیے بھلائی کی دعاکرتا ہے قیامت کے دن جب ان کی مجلسوں پر گزرے گاایک کہنے والا کہے گا:یہ وہ ہےجو تمہارے لیے دُنیا میں بھلائی کی دعاکرتا تھا پس وہ اس کی شفاعت کریں گے اور بارگاہِ الٰہی میں عرض کر کے اسے جنّت میں لے جائیں گے۔“(فضائل دعا،ص۸۶ملخصاً)

قرآن ِکریم میں مسلمانوں کیلئے دُعا کرنے کے بارے میں اللہ  پاک ارشاد فرماتا ہے:

وَ اسْتَغْفِرْ لِذَنْۢبِكَ وَ لِلْمُؤْمِنِیْنَ وَ الْمُؤْمِنٰتِؕ        (پ۲۶،  محمد: ۱۹)                                         

تَرْجَمَۂ کنز العرفان:اوراے حبیب!اپنے خاص غلاموں  اور عام مسلمان مردوں اور عورتوں کے گناہوں کی معافی مانگو

حدیث میں ہے:رسولِ کریم صَلَّی اللّٰہُ عَلَیْہِ واٰلِہٖ وَسَلَّمَ نے ایک شخص کو اَللّٰھُمَّ اغْفِرْلِيْ(یعنی اے اللہ پاک!میری مغفرت فرما)کہتے سُنا،فرمایا:اگر سب مسلمانوں کو دُعا  میں شامل کرتا تو تیری دُعا مقبول ہوتی۔ ^([1])

صَلُّوْا عَلَی الْحَبِیْب!                                                                                                صَلَّی اللّٰہُ عَلٰی مُحَمَّد

12 مَدَنی کاموں میں سے ایک  مَدَنی کام”مدرسۃالمدینہ بالغان “

پیارے پیارے اسلامی بھائیو!اگر ہم بھی گناہوں سے بچ کر فکرِآخرت کا جذبہ بڑھانے،نیکیوں پر اِسْتقامت پانے، اپنے والدین کو ثواب پہنچانے اور دعائیں کرنے کےجذبہ سے سرشار ہونا چاہتے  ہیں تو آج ہی  عاشقانِ رسول کی  مَدَنی تحریک دعوتِ اسلامی کے مَدَنی ماحول سے وابستہ ہو کر ذیلی