تم سے جہاں کا نظام تم پہ کروروں سلام                                                                                         تم پہ کروروں ثَنا تم پہ کروروں دُرُود

(حدائقِ بخشش،ص۲۶۹)

مختصر وضاحت:یعنی یارسولَ اللہ صَلَّی اللّٰہُ عَلَیْہِ واٰلِہٖ وَسَلَّم!کائنات کا نظام آپ صَلَّی اللّٰہُ عَلَیْہِ واٰلِہٖ وَسَلَّمَ کے وُجودِ مسعود کی بَرَکتوں سے ہی قائم و دائم ہے،آپ صَلَّی اللّٰہُ عَلَیْہِ واٰلِہٖ وَسَلَّمَ پر کروڑوں سلام ہوں۔آپ صَلَّی اللّٰہُ عَلَیْہِ واٰلِہٖ وَسَلَّمَ پر کروڑوں بار تعریف و توصیف کے پھول نچھاور ہوں۔آپ صَلَّی اللّٰہُ عَلَیْہِ واٰلِہٖ وَسَلَّمَ پر کروڑوں درودِ پاک نازل ہوں۔

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

پیارے پیارے اسلامی  بھائیو!حُصُولِ ثواب کی خاطِر بَیان سُننےسے پہلےاَچّھی اَچّھی نیّتیں کرلیتےہیں۔فَرمانِ مُصْطَفٰےصَلَّی اللّٰہُ  عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘مُسَلمان کی نِیَّت اُس کےعمل سے بہتر ہے۔(معجم کبیر،سہل بن سعد الساعدی…الخ، ۶ / ۱۸۵ ،حدیث:۵۹۴۲)

 مَدَنی پھول:بَیان میں جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننےکی نیّتیں:

       نگاہیں نیچی کیےخُوب کان لگاکر بیان سُنُوں گا٭ٹیک لگاکر بیٹھنےکےبجائےعِلمِ دِین کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمٹ سَرک کر دوسرے کےلئےجگہ کُشادہ کروں گا ٭دھکّاوغیرہ لگاتوصبرکروں گا،گُھورنے،جِھڑکنےاور اُلجھنےسےبچوں گا٭صَلُّوْا عَلَی الْحَبِیْبِ، اُذْکُرُوا اللّٰـہَ، تُوبُوْا اِلَی اللّٰـہِ وغیرہ سُن  کر ثواب کمانےاورصدا لگانے والوں کی دل جُوئی کےلئے بُلند آواز سے جواب دوں گا ٭اجتماع کے بعد خُود آگےبڑھ کر سَلَام و مُصَافَحَہ اور اِنْفِرادی کوشش کروں گا۔