آپ کے سپرد تھا، دارُالْعُلُوم منظرُ الاسلام کے آپ نہ صرف مُہْتَمِمْ تھے بلکہ شیخُ الحدیث اور صدرُالمُدَرِّسِین کے منصب پر بھی فائز رہے۔(تذکرہ جمیل ص ۱۷۳ملخصاً)ایک بار مُفتی حامد رضا خانرَحْمَۃُ اللّٰہ عَلَیْہ کو پھوڑے کی تکلیف ہوئی،جس کا آپریشن  کرنا ضروری  ٹھہرا۔ ڈاکٹر نے بے ہوشی کا اِنجکشن لگانا چاہا تو مَنْع فرما دیا، آپ دُرودوسلام کے وِرد میں  مشغول ہو گئے ، ہوش و حواس   کی حالت میں دو تین گھنٹے تک آپریشن ہوتا رہا ، دُرود شریف کی بَرَکت سے کسی قسم کی تکلیف کا آپ نے اظہار نہ ہونے دیا۔(تذکِرۂ مشائخِ قادِریہ رضویہ، ص ۴۸۵)اللہ پاک آپ کے فیوض و برکات سے ہم سب کو مستفیض فرمائے۔ اٰمِین بِجَاہِ النَّبِیِّ الْاَمِیْن صَلَّی اللہُ عَلَیْہِ وَاٰلِہٖ وَسَلَّم  

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

مجْلسِ رابطہ بالعلماء

اے عاشقانِ علماءو اولیا!اَلْحَمْدُ لِلّٰہ عاشقانِ رسول کی مَدَنی تحریک دعوتِ اسلامی دُنیا بھر میں خدمتِ دین کے کم و بیش105شُعبہ جات میں سُنّتوں کی دُھومیں مچارہی ہے،جن میں سے ایک شعبہ” مجلسِ رابطہ بِالْعلماء “بھی ہے۔اَلْحَمْدُلِلّٰہ شَیْخِ طریقت،امیرِاہلسُنَّت،بانیِ دعوتِ اسلامی حضرت علامہ مولانا ابو بلال محمد الیاس عطار قادِرِی رَضَوِی ضِیائی دَامَتْ بَـرَکاتُہُمُ الْعَالِیَہ کی علمائے اہلِ سنت سے مَحَبَّت کے نتیجے میں عاشقانِ رسول کی مدنی تحریک دعوت ِاسلامی نے ایک شُعْبہ بنام’’مجلسِ رابطہ بِالْعلماء‘‘بھی قائم کیا ہےتاکہ اس کے ذریعے عاشقانِ رسول عُلمائے کرام و مَشائخِ عِظّام (اورمسجدوں کے اِمام،خطبا، مُدرسین)کوعاشقانِ رسول کی مدنی تحریک دعوت ِاسلامی کی دِینی خِدمات سے آگاہ کیاجائے،ان سے رابطہ کرکےانہیں دعوتِ اسلامی کےمدنی ماحول سے وابستہ کیا جائے