بے اِنْتہا ثواب کا باعِث ہے تو جس سے بن پڑے ہفتہ میں ورنہ مہینے میں کم از کم12میموری کارڈز ضرور فروخت کرے۔مُخَیَّر اسلامی بھائی اگر مُفْت تقسیم کریں تو مدینہ مدینہ۔شادیوں کے مواقِع پرشادی کارڈکے ساتھ مَدَنی رِسالہ اور ہوسکے تو مذکورہ میموری کارڈ بھی شامل کیجئے۔

اُنکے در پے پلنے والا اپنا آپ جواب                  کوئی غریب نواز تو کوئی داتا لگتا ہے

            بڑے شہر میں ہر علاقائی مُشاوَرت کا نگران(قصبے  والے قصبے میں(12دن تک روزانہ مختلف مساجِد میں عظیمُ الشّان سُنَّتوں بھرے اِجْتماعات مُنْعَقِد کرے(ذِمّے دار اسلامی بہنیں گھروں میں(بغیر مائک)اِجتماعات فرمائیں) رَبِیْعُ الاوّل شریف کے دوران ہونے والے تمام اِجتماعات میں جن سے ہوسکے وہ سارامہینا مدنی پرچم ساتھ لایا کریں۔

            گیارہ(11)کی شام کو ورنہ12ویں شَب کو غُسْل کیجئے۔ہوسکے تو اِس عِیْدوں کی عِیْد کی تَعْظِیم کی نِیَّت سے نیا لباس،عِمامہ،سَربند، ٹوپی،سَر پر اَوڑھنے کی سفید چادر،پردے میں پردہ کرنے کے لئے کتھئی چادر، مِسواک، جیب کا رومال، چپّل، تسبیح، عِطر کی شیشی،ہاتھ کی گھڑی،قلم،مدنی قافِلہ پیڈوغیرہ اپنے استِعمال کی ہر چیز ممکنہ صُورت میں نئی لیجئے۔(اسلامی بہنیں بھی اپنی ضَرورت کی جو جو اَشیاء ممکن ہوں وہ نئی لیں)

آئی  نئی  حکومت  سِکّہ  نیا  چلے  گا                        عالَم نے رنگ بدلا صُبْحِ شبِ وِلادت

(ذوقِ نعت،ص۶۷)

بارہویں شب اجتِماعِ میلاد میں گزار کربوقتِ صبحِ صادِق اپنے ہاتھوں میں مَدَنی پرچم اُٹھا ئے، دُرُود و سلام کے ہار لئے ،اشکبار آنکھوں سے صبحِ بہاراں کا استِقبال کیجئے۔ بعد نَمازِ فَجر سلام وعید مبارَک کہہ کر ایک دوسرے سے گرم جوشی کے ساتھ ملاقات فرمایئے اور سارا دن عید کی مبارَکباد پیش کرتے اور عید ملتے رہئے ۔