صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

صحابۂ کرام بے مثل ہیں

میٹھے میٹھے اسلامی  بھائیو! جس طرح کسی مُسلمان کی بڑی سے بڑی نیکی صحابۂ کرام عَلَیْہِمُ الرِّضْوَان کی چھوٹی  سی نیکی کے برابر نہیں ہو سکتی، اسی طرح کوئی کتنا ہی بڑا ولی ، غوث اور قُطُب بن جائے اور اس کی ذات سےبکثرت  کرامات کا صُدُوربھی ہوتا رہے، لیکن پھر بھی وہ کسی صحابی کے مَقام کونہیں پہنچ سکتا۔ شَیخُ الْحدیث حضرت علامہ مُفْتی عبدُالمصطفٰے اَعْظَمی رَحْمَۃُ اللّٰہ ِتَعَالٰی عَلَیْہفرماتے ہیں  : تمام عُلَماءِ اُمَّت واکابِرِاُمَّت کا اِس مَسْئَلَہ پر اِتِّفَاق ہے کہ صَحابۂ  کِرام رَضِیَ اللہُ تَعَالٰی عَنْہُم”اَفْضَلُ الاَولیاء“ ہیں یعنی قِیامت تک کے تمام اَوْلیاء اگرچہ وہ دَرَجۂ وِلایت کی بُلند تَرین منزل پر فائز ہوجائیں، مگر ہرگز ہرگز کبھی بھی وہ کسی صحابی کے کمالاتِ ولایت تک نہیں پَہُنْچ سکتے۔خُداوَندِ قُدُّوس نے اپنے حبیب،دُکھی دِلوں کے طبیبصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کی شَمْعِ نُبُوَّت کے پروانوں کو مَرتبۂ ولایت کا وہ بُلند وبالامَقام عطافرمایا ہے اوراُن مُقَدَّس ہستیوں کو ایسی ایسی عظیمُ الشَّان کرامتوں سے سَرفراز فرمایا ہے کہ دوسرے تمام اَوْلیاء کے لیے اِس مِعْراجِ کمال کا تَصوُّر بھی نہیں کیا جاسکتا۔ ( کرامات ِصحابہ، ص۵۲)

دو عالم نہ کیوں ہو نثارِ صحابہ                             کہ ہے عرش منزل وقار ِصحابہ

امیں ہیں یہ قرآن و دِین ِ خدا کے                  مدارِ ہدیٰ اعتبارِ صحابہ

خلافت، امامت، ولایت، کرامت               ہر اک فضل پر اقتدارِ صحابہ

 (کراماتِ صحابہ، ص۳۰)

ہر صحابیِ نبی ٭ ٭ ٭ ٭ ٭ جنّتی جنّتی                                  ہر صحابیِ نبی ٭ ٭ ٭ ٭ ٭ جنّتی جنّتی

چار یارِ نبی  ٭ ٭ ٭ ٭ ٭ جنتی جنتی                     ابوبکر و عمربھی ٭ ٭ ٭ ٭ ٭ جنّتی جنّتی