-3ارشاد فرمایا  : جس نے میرے اَصحاب کے  مُتعلِّق بُری بات کہی تووہ میرے طریقے سے ہٹ گیااس کا ٹِھکانا آگ ہے۔‘‘  (الریاض النضرۃ، الباب الاول ،ذکر ماجاء فی الحث علی حبہم والاحسان الیہم    الخ ،۱ /  ۲۲)  

میٹھے میٹھے اسلامی بھائیو! واقعی صحابَۂ کرام عَلَیْہِمُ الرِّضْوَان کی شان میں گستاخیاں کرنے اور ان کےبارے میں نازیباگفتگو کرنے والا بڑا بدبخت ہے۔ صحابَۂ کرام عَلَیْہِمُ الرِّضْوَان  تو وہ مقدس ہستیاں ہیں کہ پُوری اُمَّت میں جو شان و عظمت انہیں نصیب ہوئی وہ کسی غَیْرِ صحابی کو حاصل نہیں ہوسکتی۔چُنانچہ سُلطانِ عَرَب،محبوبِ ربّصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ  کا فرمانِ عالیشان ہے  :  تمہارا پہاڑ بھرسونا خَیْرات کرنا میرے کسی صحابی کے سَوا سیر جَو خَیْرات کرنے بلکہ اُس کےآدھے کے برابر بھی نہیں ہو سکتا۔  (بخاری، کتاب فضائل اصحاب النبی،باب قول النبی لو کنت متخذا خلیلا، ۲  /  ۵۲۲،حدیث  :  ۳۶۷۳)    

صحابہ ہیں تاجِ رِسالت کے لشکر     رسولِ خُدا تاجدارِ صحابہ

اِنہیں میں ہیں صِدیق و فاروق و عثماں             اِنہیں میں علی شہسوارِ صحابہ

پسِ مَرگ اے اعظمی! یہ دُعا ہے                  بنوں میں غُبارِ مزارِ صحابہ

 (کراماتِ صحابہ، ص۳۰)

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

ہر صحابیِ نبی ٭ ٭ ٭ ٭ ٭ جنّتی جنّتی                                  ہر صحابیِ نبی ٭ ٭ ٭ ٭ ٭ جنّتی جنّتی

چار یارِ نبی  ٭ ٭ ٭ ٭ ٭ جنتی جنتی                     ابوبکر و عمربھی ٭ ٭ ٭ ٭ ٭ جنّتی جنّتی

عثمانِ غنی ٭ ٭ ٭ ٭ ٭  جنّتی جنّتی                       فاطمہ اور علی ٭ ٭ ٭ ٭ ٭  جنّتی جنّتی

حسن بھی حسین بھی  ٭ ٭ ٭ ٭ ٭  جنّتی  جنّتی          ہر صحابیِ نبی  ٭ ٭ ٭ ٭ ٭  جنّتی جنّتی

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد