Book Name:Musibaton Pr Sabr ka Zehen kese Bane

بے ہوش ہوگئے اور منہ سے خون جاری ہوگیا ۔عیدُالفطر کی صبح طبیعت پھر خراب ہوگئی۔اب کی بار ڈاکٹروں نے خدشہ ظاہر کیا کہ انہیں” ہیپاٹائٹس C“ہے۔وہ اسلامی بھائی دو دن ہسپتال میں رہے۔اس دوران ان کی زبان پرکَلِمَہ طَیِّبہ لَآاِلٰہَ اِلَّا اللہُ مُحَمَّد رَّسُوْلُ اللہ  اور دُرُود شریف جاری رہا۔ ٹیسٹ کے دوران بھی وہ اسلامی بھائی مسلسل کَلِمَہ طَیِّبہ کا ورد کرتے رہے ۔منگل و بدھ کی درميانی رات وہ تلاوتِ قرآنِ پاک ميں مصروف رہے،صبحِ صادق کے وقت بلند آواز سےکَلِمَہ طَیِّبہ پڑھنے لگےاورکَلِمَۂ طَیِّبہ لَآاِلٰہ اِلَّا اللہُ مُحَمَّدٌ رَّسُولُ اللہ کا وِردکرتے کرتے ان کی روح قَفَسِ عُنصری سے پر واز کر گئی۔

دعا ہے یہ تجھ سے دل ایسا لگا دے                                        نہ چھوٹے کبھی بھی خدا مدنی ماحول

یقیناً مقدَّر کا وہ ہے سکندر                                                     جسے خیر سے مل گیا مَدنی ماحول

پلا کر مئے عشق دیگا بنا یہ                                                     تمہیں عاشقِ مُصْطَفٰے مدنی ماحول

(وسائل بخشش مرمم،ص۶۴۷-۶۴۸)

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

                میٹھے میٹھے اسلامی بھائیو!ایمان کے ساتھ زِندَگی گزارنے والا ہی کامیاب ہے، بڑا نازُک مُعامَلہ ہے ،شیطان ہر وَقت ایمان کی گھات میں لگا رَہتا ہے۔ مصیبت آنے پر صَبْر کرتے ہوئے ہر حال میں ربِّ کریم کی رِضا پرراضی رَہنا چاہئے۔اللہ پاک جسے چاہے بے حساب جنّت میں داخِل فرمائے اور جسے چاہے امتحان میں مبتلا کر کے صَبْر کی توفیق عطا فرما کر انعام و اِکرام کی بارِشیں فرمائے۔مومِنِ کامِل وُہی ہے جو ہر حال میں ربِّ کریم کا شگر گزار بندہ بن کر رہے ۔ مُصیبتوں کی وجہ سے اللہ پاک پر اعتراض کر کے خود کو ہمیشہ کیلئے جہنَّم کے حوالے کر دینے والا شخص بَہُت ہی بڑا بد نصیب ہے۔ ہر مسلمان کو