تواریخ    
    	تاریخِ وِصالِ مرشدی ومَلْجائی زُبدۃُالعارِفین سند المحققین حضور  ُپر نور اَعلی حضرت عظیم البرکۃ اِمام اَہلِ سنت مجدد دین و ملت مولانا مولوی مفتی حافظ حاجی شاہ عبدالمصطفیٰ احمد رضا خان صاحب قادری برکاتی  قَدَّسَ اللّٰہُ تَعَالٰی سِرَّہٗ 

مرشدِ برحق شہِ احمد رضا
عالمِ دِیں  وارثِ پیغمبراں

عکسِ جمالِ شہ اٰلِ رسول
آئنہء حضرتِ اچھے میاں

غوث کے اَنوار و فیوض و علوم
سینۂ ُپرنور میں  جن کے ِنہاں

واقفِ اَسرارِ خفی و جلی
عاشق و محبوبِ شہِ مرسلاں

مُتَّبِعِ سنتِ خیرُ الوریٰ
سیرت و اَخلاقِ نبی کا نشاں

ماحی بدعاتِ و ضلالات و کفر
بیخ کنِ شجرئہ بدمذہباں 

مانیں  جنہیں  اَہلِ عرب بھی امام
نَیِّرِ دِیں  تاجِ سرِ ُمفتیاں

جمعہ کو پچیس صفر وقتِ ظہر
وَاصلِ حق ہوگئے باعزّ و شاں
ِ
مصرعِ تاریخ یہ ِلکھ اے جمیلؔ
داخلِ جنت ہوا قطب الزماں  

         	۱۳۴۰ھ
اَیضاً

پیر و مرشد مرے جنابِ رضا
حافظ و حاج عالم و فاضل

مفتیِ دِیں  مجددِ مِلَّت
علما جن کے فیض کے سائل

اَہلِ اِیمان بلکہ اَعدا بھی
جن کے فضل و علوم کے قائل

جمعہ کے دن صفر کی تھی پچیس
اپنے رب سے وہ ہوگئے واصل

عرض کر اے جمیلؔ سالِ وِصال
گیا باغِ جناں  میں  وہ کامل

         	۱۳۴۰ھ
تاریخِ وفات جناب حاجی محمد عبدالرحمٰن خاں  صاحب چشتی نیازی

محمدی بریلوی  ن َوَّرَ اللّٰہُ مَرْقَدَہٗ  والد ماجد مصنف
ب ِسْمِ اللّٰہِ الرَّحْمٰنِ الرَّحِیْم جنت میں

۱۳۳۹ھ
بندۂ  حق عمر نہ کھو لہو میں

ہوش میں  آ عقل کو اپنی سنبھال
سب کو فنا ہے نہ رہے گا کوئی

باقی و دائم ہے بس اِک لایزال
وقتِ ُمعین پہ اَجل آئے گی

موت کے چنگل سے ہے بچنا محال
آئی شب اُنیسویں  ذِی الحجہ کی

رات کے بارہ بجے کا سن یہ حال
والدِ ماجد مرے رخصت ہوئے

عالمِ دنیا سے سوئے ذُوالجلال
بدھ کا دن ، اُنیسویں  ، بارہ بجے

دفن ہوئے قبر میں  وہ خوش خصال
ِمصرع میں  لکھ دے سنِ رحلت جمیل ؔ

عاشقِ صادِق نے کیا اِنتقال
۱۳۳۹ھ

قطعۂ تاریخِ اِنتقال مُنشی عاشق حسین خان صاحب مرحوم بریلوی
اے جمیلِؔ قادری ہوشیار ہو ہوشیار ہو

ذاتِ باقی کے سوا باقی نہیں  ہے کوئی شے
پیر کی شب ، بست ویک ماہِ صفر بارہ بجے

کرگئے عاشق حسین اس منزلِ دنیا کو طے
سالِ رحلت کی مجھے تھی فکر ہاتف نے کہا

گلشنِ فردوس عاشق کی دلہن تاریخ ہے
                                            	۱۳۳۹ھ 

تواریخِ اِنتقال برادر خورد مصنف مسمّی محمد حبیب الرحمٰن مرحوم
عمر یازدہ سال  بعارضہ طاعون

اے آہ حبیب صاحبِ قبر
تیرے لیے کس طرح کریں  صبر

یوں  سر پہ پیامِ موت پہنچا
جیسے کہ قمر پہ آگیا اَبر

تاریخ تھی ساتویں  محرم
جاں  بارگہِ خدا میں  کی نذر

تاریخ جمیل ہو ہویدا
قصرِ شہوار منزلِ قبر

                                            	۱۳۳۱ھ
اَیضاً
ساتویں  ماہِ محرم کو ہوئے رخصت حبیب

بن گیا کٹھگر کے گورستان میں  اُن کا مزار
پورے مصرع میں  کہو تاریخ مدّاحُ الحبیب

کھل گیا اُن کے لیے بابِ بہشتِ پُر بہار
۱۳۳۱ھ

 اَیضاً
یہ صدا سنتا ہوں  میں  قبرِ برادر سے جمیلؔ

پڑھ لو بھائی روح پر اس بے نوا کی فاتحہ
                                            	۱۳۳۱ھ

اَیضاً
گیامیں  قبر پہ اِک روز اپنے بھائی کی

ہوا زبان پہ جاری کہ آہ آہ حبیب
بڑھا جو جوش محبت کا قلب پر زیادہ

پکارا ہاتفِ غیبی نے مجھ سے ہو کے قریب
جمیلؔ چپ رہو خاموش کیوں  جگاتے ہو

ابھی تو چین سے سویا ہے ایک طفلِ غریب
                                            	۱۳۳۱ھ

تاریخ محبی و مخلصی جناب حاجی شیخ ع َلِیْمُ اللّٰہ صاحب
رَضوی بریلوی

حاج     	علیم     	ا للّٰہ       	محبی
شد از عالمِ دنیا رخصت

دیدم بعد نماز رُخِ اُو
صاف عیاں  بُد رنگ شہادت

چوں  شد فکر سال وفاتش
گفت جمیل چنین در عجلت

یک کم کن(1)     از مصرع ثانی
کرد رفیق ہمدم رحلت

۱۳۴۰ھ


1    مصرع ثانی کے اعداد ۱۳۴۱ ہوتے ہیں ایک کم کرنے کے بعد ۱۳۴۰ رہے یہی سن وفات ہے۔۱۲