30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
امام کایہ حکم نافذہوگا۔مشرکین ہند مسلمان ہوجائیں گے۔
اصل مقصود سلف گورنمنٹ ہے اماکن مقدسہ اور ترکوں کا نام ٹٹی ہے:
چہارم:اصل مقصود سلف گورنمنٹ ہے جس کی صاف تصریح بڑے بڑے عــــہ۱ لیڈران نے کردی اس میں اپنی کمزوری بلکہ عجز دیکھ کر مشرکوں کا دامن پکڑااپنا یاروانصار بنایا اوروں کو چھوڑئے مولویوں میں گنے جانے والے لیڈرفرماتے ہیں"ہم عــــہ۲ تو ہندوستان کی آزادی کو ایك فرض اسلامی سمجھتے ہیں اس کے لئے ضرورت ہے کہ عام اتحاد ہو اور پوری کوشش سے مقصد حاصل کیا جائے حالانکہ مشرکوں سے ایسی استعانت نص قرآنی کے خلاف اور قطعا حرام بلکہ صراحۃً قرآن کریم کی تکذیب ہے۔ہم اس بحث کو بعونہٖ چند فوائد میں روشن کریں:
مشرکوں سے استعانت کی بحث جلیل ہے:
فائدہ اولٰی آیات کریمہ:قرآن کریم نے منع موالات کفار کو بکثرت آیات میں ارشاد فرمایا وہ سب ان کو مدد گار بنانے سے ممانعت ہیں یہ اعلٰی درجہ موالات میں ہے،ولہذا کبار مفسرین نے جابجا ولی کو ناصر اور ولایت کو نصرت ومعونت ومظاہرت سے تفسیر کیا،مگر ہم یہاں صرف ان بعض آیات پر اقتصار کریں جو اپنے سوق نظم یا شان نزول سے اس مقصود کو بالخصوص افادہ فرمارہی ہیں:
استعانت بمشرکین کےحرام ہونے پر آیات قرآنیہ:
آیت نمبر۱:
|
" یٰۤاَیُّہَا الَّذِیۡنَ اٰمَنُوۡا لَا تَتَّخِذُوۡا بِطَانَۃً مِّنْ دُوۡنِکُمْ لَا یَاۡ لُوۡنَکُمْ خَبٰلًاؕ وَدُّوۡا مَاعَنِتُّمْۚ قَدْ بَدَتِ الْبَغْضَآءُ مِنْ اَفْوٰہِہِمْۚۖ وَمَا تُخْفِیۡ صُدُوۡرُہُمْ اَکْبَرُؕ قَدْ بَیَّنَّا لَکُمُ الۡاٰیٰتِ اِنۡ کُنۡتُمْ تَعْقِلُوۡنَ﴿۱۱۸﴾"[1] |
اے ایمان والو! اپنے غیروں کو راز دار نہ بناؤ وہ تمھاری بدخواہی میں کمی نہ کریں گے ان کی دلی تمنا ہے تمھارا مشقت میں پڑنا، دشمنی ان کے مونہوں سے ظاہر ہوچکی ہے اور وہ جو ان کے سینوں میں دبی ہوئی ہے اور بڑی ہے بیشك ہم نے تمھارے سامنے نشانیاں صاف بیان فرمادیں اگر تمھیں عقل ہو۔ |
عــــہ۱:مثل شوکت علی ومحمد علی وابوالکلام آزاد ۱۲ حمشت علی غفرلہ
عــــہ۲:وہی خطبہ صدارت مولوی عبدالباری صاحب ۱۲ حشمت علی غفرلہ
کتاب کا موضوع
کتاب کا موضوع