کہ آپ دَامَتْ بَرَکاتُہُمُ الْعَالِیَہ    اپنے قاتلوں کو بھی دعائے خیر سے نوازتے ہیں )

اچانک دشمنوں نے کی چڑھائی یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ                                                                                                                            شہید دو ہوگئے اسلامی بھائی یا رسول  اللہ   صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

مِرا  دشمن تو مجھ کو ختم کرنے آہی پہنچاتھا                                                  میں قرباں تم نے میری جاں بچائی یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

عدو جھک مارتا ہے خاک اڑاتا ہے تیرے قربان                                         مجھے اب تک نہ کوئی آنچ آئی  یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

شہید دعوت اسلامی سجاد  واُحد آقا  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ                                                                                                                 رہیں جنت میں یکجا دونوں بھائی  رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

نہیں سرکار  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  ذاتی دشمنی میری کسی سے بھی                   ہے میری نفس و شیطان سے لڑائی  یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

حْقوق اپنے کئے ہیں درگزر دشمن کو بھی سارے                               اگر چہ مجھ پہ ہو گولی چلائی  یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

تمنا ہے میرے دشمن کریں توبہ عطاکردو                                                  انہیں دونوں جہاں کی تم بھلائی  یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

اگر چہ جان جائے خدمتِ سنت نہ چھوڑوں گا                                 شہا کرتے رہیں مشکل کشائی  یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

تمنا ہے تیرے عطّار کی یوں دھوم مچ جائے                                              مدینے میں شہادت اس نے پائی  یا رسول  اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

میٹھے میٹھے اسلامی بھائیو ! اَلْحَمْدُ للّٰہ   عَزَّ وَجَلَّ  اَظْہر مِنَ الشَّمسہوا کہ دعوتِ اسلامی پر  اللہ    عَزَّ وَجَلَّ  اور اس کے حبیب مکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کا خُصوصی کرم ہے اور اس مَدَنی تَحریک کے مَہکے مَہکے مَدَنی  ماحول سے وابستہ رہنے والا خوش نصیب مسلمان دونوں جہاں کی نعمتوں سے مالا مال ہوتا ہے اور فیض یاب ہوکر دوسروں کو بھی فیض لٹاتا ہے۔   

میّت کی چیخیں

       گورکن نے شہیدِ دعوتِ اسلامی حاجی محمد اُحد رضا عطّاری  علیہ رَحْمَۃُاللّٰہِ الْباریکے قدموں کی طرف بنی ہوئی ایک عورت کی قبر کی طرف اشارہ کرتے ہوئے ، مرکز الاولیا( لاہور) کے اسلامی بھائیوں کو بتایا !کہ یہ قبر حاجی اُحد رضا عطّاری  علیہ رَحْمَۃُاللّٰہِ الْباریکی شہادت سے پہلے کی ہے۔ اکثر رات کے سناٹے میں اس قبر سے چیخوں کی آواز سنی جاتی تھیں ۔ جب سے حاجی اُحد رضا عطّاری یہاں دفن ہوئے ہیں ۔ معلوم ہوتا ہے کہ میّت سے عذاب اٹھ گیا ہے۔ کیونکہ چیخوں کی آواز بند ہوگئی ہے۔ اس بات کی تصدیق قبرستان کے قریب رہنے والے دیگر افراد نے بھی کی ہے۔

جو اپنی زندگی میں سنتیں ان کی سجاتے ہیں ۔    انہیں محبوب میٹھے مصطفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  اپنا بناتے ہیں

(۳)محمد احسان عطّاری   علیہ رَحْمَۃُاللّٰہِ الْباری

 مرید ہونے کی برکتباب المدینہ کراچی کے علاقے گلبہار کے ایک ماڈرن نوجوان بنام محمد احسان دعوت اسلامی کے مَدَنی ماحول سے وابستہ ہوئے اور امیرِ اَہلسنّت دَامَتْ بَرَکاتُہُمُ الْعَالِیَہ    کے مرید بن گئے ۔ ایک ولیِ کامل سے مرید تو کیا ہوئے ان کی زندگی میں مَدَنی انقلاب برپا ہوگیا۔ چہرہ ایک مٹھی داڑھی کے ذریعہ مَدَنی چہرہ بن گیا اور سر پر مستقل طور پر سبز سبز عمامے کا تاج جگمگ جگمگ کرنے لگا۔ انہوں نے دعوتِ اسلامی کے مدرسۃالمدینہ (بالغان) میں قرآن ناظرہ ختم کرلیا اور لوگوں کے پاس جاجا کر نیکی کی دعوت کی دھومیں مچانے لگے۔ ایک دن اچانک انہیں گلے میں دَرْد مَحسوس ہوا، علاج کروایا مگر " مَرض بڑھتا گیا جُوں جُوں دوا کی "  کے مِصداق گلے کے مَرَض نے بَہت زیادہ شدّت اختیارکرلی یہاں تک کہ قریبُ المرگ ہوگئے۔   

مَدَنی وصیت

        اسی حالت میں انہوں نے امیرِ اَہلسنّت دَامَتْ بَرَکاتُہُمُ الْعَالِیَہ کے مطبوعہ مَدَنی وصیت نامہ کو سامنے رکھ کر اپنا وصیت نامہ تیار کروا کر اپنے عَلاقے کے نگران کے سِپُرد کردیا اور پھر سَدا کیلئے آنکھیں مُوند لیں ۔ وقتِ وفات ان کی عمْر تقریبًا پینتیس سال ہوگی۔ انہیں گلبہار کے قبرستان میں سِپُردِ خاک کردیا گیا۔ حسبِ وصیت بعدِ غسل کَفَن میں چہرہ چُھپانے سے قبل پہلے پیشانی پر اُنگشتِ شہادت سے  بِسْمِِ اللّٰہِ الرَّْحْمٰنِ الرَّ حِیْم ط  سینہ پر  لَآاِلٰہَ اِلَّا اللّٰہُ مُحَمَّدرَّسُوْلُ اللّٰہ،   صَلَّی اللہ  تَعَالٰی عَلَیْہِ وَاٰلہٖ وَسَلَّم  ناف اور سینے کے درمیانی حصہ کَفَن پر یا غوثِ اعظم دستگیر رضی  اللہ  عنہ ،     یا امام اباحنیفہ رضی  اللہ  عنہ ، یا امام اَحمد رَضا رضی  اللہ  عنہ ، یا شیخ ضیاء الدین رضی  اللہ  عنہ اور انکے پیرو مرشِد کا نام لکھا گیا۔ دفن کرتے وقت دیوارِ قبر میں طاق بنا کر عَہد نامہ ، نقشِ نعلین ودیگر تبرکات وغیرہ رکھے گئے ۔ بعدِ دفن قبْرپر اذان بھی دی گئی اور کم و بیش بارہ گھنٹے تک ان کی قبْر کے قریب اسلامی بھائیوں نے اجتماع ذکْر و نعت جاری رکھا۔

        وفات کے تقریباًساڑھے تین سال بعد بروز منگل ۶جمادی الثانی ۱۴۱۸ھ ( 7-10-97)   کا واقعہ ہے ایک اور اسلامی بھائی محمد عثمان قادِرِی رَضَوی کا جنازہ اسی قبرستان میں لایا گیا۔ کچھ اسلامی بھائی مرحوم  محمد احسان عطّاری علیہ رَحْمَۃُاللّٰہِ الْباریکی قبْر پر فاتحہ کیلئے آئے تو یہ منظر دیکھ کر انکی آنکھیں پھٹی کی پھٹی رہ گئیں ! کہ قبر کی ایک جانب بہت بڑا شِگاف ہوگیا ہے اور تقریبًا ساڑھے تین سال قبل وفات پانے والے مرحوم محمد احسان عطّاری علیہ رَحْمَۃُاللّٰہِ الْباریسرپر سبزسبز عمامہ شریف کا تاج سجائے خوشبودار کَفَن اوڑھے مزے سے لیٹے ہوئے ہیں ۔ آناً فاناً یہ خبر ہر طرف پھیل گئی اور رات گئے تک زائرین محمد احسان عطّاری علیہ رَحْمَۃُاللّٰہِ الْباریکے کَفَن میں لپٹے ہوئے ترو تازہ لاشے کی زیارت کرتے رہے۔ ( یہ واقعہ بھی کئی اخبارات میں شائع ہوا)

        تبلیغِ قرآن و سنت کی عالمگیرغیر سیاسی تحریک دعوت اسلامی کے بارے میں غلط فَہمیوں کے شکار رہنے والے کچھ افراد بھی دعوتِ اسلامی والوں پر  اللہ    عَزَّ وَجَلَّ  کے اس عظیم فضل و کرم کا کھلی آنکھوں سے مشاہدہ کرکے تحسین و آفرین پکار اٹھے اور دعوت اسلامی کے مُحبّ بن گئے۔  ٍ (ملخص از قبر کھل گئی ، ص ۲۸ مطبوعہ مکتبۃ المدینہ )

اللّٰہ عَزَّ وَجَلَّ  کی ان پر رَحْمت ہو اور ان کے صدْقے ہماری مغفِرت ہو

صَلُّو ا عَلَی الْحَبِیْب             صلَّی اللّٰہُ تَعَالٰی عَلیٰ مُحَمَّد

(۴)محمد نوید عطّاری   علیہ رَحْمَۃُاللّٰہ الْباری