اب لے جلدی خبر تیری جانب نَظَر                            

میں نے لی ہے لگا میرے   مرشد  پیا                                                             

                                                                سخت دل ہو چلا اب کیا ہوگا میرا    

                                                                اب دے دل کو جِلا میرے   مرشد  پیا      

تیری بس اک نَظَر دل پہ ہو جائے گر                             

پائے گا یہ شِفاء  میرے   مرشد  پیا                                                             

                                                                ایسی نظریں جھکیں پھر کبھی نہ اُٹھیں    

                                                                دے دے ایسی حیا میرے  مرشد  پیا     

گر میں چپ نہ رہا بولتا ہی رہا                              

نامہ ہوگا سیاہ  میرے  مرشد  پیا                                                             

                                                                بس تِری یاد ہو دل میرا شاد ہو    

                                                                مجھ کو مے وہ پِلا میرے   مرشد  پیا        

ایسا غم دے مجھے ہوش ہی نہ رہے                             

مست اپنا بنا میرے   مرشد  پیا                                                                

                                                                ہر بُرے کام سے خواہش نام سے      

                                                                دور  رکھنا  سدا  میرے  مرشد  پیا            

مجھ گنہگار کو اس ریاکار کو                              

تو ہی مخلص بنا میرے  مرشد  پیا                                                                  

                                                                شَہوتوں کی طلب ختم ہوجائے اب      

                                                کردو تقویٰ عطا میرے   مرشد  پیا           

جو ملے شکر ہو کل کی نہ فکر ہو                               

ہو قناعت عطا میرے   مرشد  پیا          

ڈال دی قلب میں عظمتِ مصطفی       

                                                                تو رضا کی ضیاء میرے  مرشد  پیا          

گلشنِ سنیتّ پہ تھی مظلومیّت                        

تو نے  دی  ہے  بَقا میرے   مرشد  پیا                                                 

                                                                تیرا احسان ہے سنتیں عام ہیں         

                                                                دیں کا ڈنکا بجا میرے  مرشد  پیا          

حکمتوں سے تری ہر سو دھوم پڑی                         

تو   جمالِ  رضا   میرے     مرشد  پیا                                                    

                                                                ہے یہ فضلِ خدا کہ ہے تجھ پہ فدا         

                                                                بچہ  ہو  یا  بڑا میرے  مرشد  پیا               

ہو نمازیں ادا پہلی صف میں سدا                          

ہو خُشوع  بھی عطا  میرے    مرشد  پیا                                                      

                                                                نفل سارے پڑھوں اور ادا میں کروں            

                                                                سنّتِ قَبلیہ  میرے  مرشد  پیا                

باوُضو میں رہوں ، اک رُکوع بھی پڑھوں                          

کنز الایماں  سدا میرے    مرشد  پیا                                                   

                                                                پورے دن ہو نصیب سبز عمامہ شریف           

                                                                سنتِ  دائما  میرے   مرشد  پیا                

قافلوں میں سفر کرلوں میں عمر بھر                          

جذبہ   ہو  وہ عطا میرے  مرشد  پیا