Book Name:Naik Bannay aur Bananay kay Tariqay

12دن کے مدنی قافلے میں  ’’ سنتیں  ‘‘ سیکھنے سکھانے کی ترتیب:

(۱)کھانے کی سنتیں اور آداب                                                       (۲) استنجاء کی سنتیں اورآداب

(۳) مسواک کی سنتیں اور آداب                                                    (۴) اُٹھنے اور بیٹھنے کی سنتیں اور آداب

(۵) سونے کی سنتیں اور آداب                                                      (۶)سیکھی ہوئی سنتوں کی دُہرائی

(۷) پانی پینے کی سنتیں اورآداب                                                     (۸)عطر لگانے کی سنتیں اور آداب

(۹) چھینکنے کی سنتیں اورآداب                                                        (۱۰)گھر میں آنے جانے کی سنتیں اور آداب

(۱۱)سر میں تیل ڈالنے کی سنتیں اور آداب                                          (۱۲) سیکھی ہوئی سنتوں کی دُہرائی

30 دن کے مدنی قافلے میں  ’’ سنتیں  ‘‘ سیکھنے سکھانے کی ترتیب :

پہلے بارہ دن میں

(۱)سلام کی سنتیں اورآداب                                                                      (۲)کھانے کی سنتیں اورآداب

(۳)مسواک شریف کی سنتیں اورآداب                                                        (۴)عمامہ کی سنتیں اورآداب

(۵)استنجاء کی سنتیں اورآداب                                                                    (۶)سیکھی ہوئی سنتوں کی دُہرائی

(۷)سونے کی سنتیں اورآداب                                                                   (۸)پینے کی سنتیں اورآداب

(۹)گفتگوکی سنتیں اورآداب                                       (۱۰)عطرلگانے کی سنتیں اورآداب

 (۱۱)لباس کی سنتیں اورآداب                                                                    (۱۲)سیکھی ہوئی سنتوں کی دُہرائی

دوسر ے بارہ دن میں

(۱)چھینکنے کی سنتیں اورآداب                                                  (۲)گھر میں آنے جانے کی سنتیں اورآداب

(۳)سرمہ لگانے کی سنتیں اورآداب                                         (۴)تیل لگانے کی سنتیں اورآداب

(۵)زینت کی سنتیں اورآداب                                                (۶)سیکھی ہوئی سنتوں کی دُہرائی

(۷)جوتے پہننے کی سنتیں اورآداب                                           (۸)مصافحہ کی سنتیں اورآداب

(۹)مہمان نوازی کی سنتیں اورآداب                                         (۱۰)ناخن وحجامت وغیرہ کی سنتیں اورآداب

(۱۱)قرض کی سنتیں اور آداب                                                (۱۲)سیکھی ہوئی سنتوں کی دُہرائی

نوٹ:سنتیں اور آداب آئندہ صفحات(527) میں ملاحظہ فرمائیں ۔

وقفۂ طعام:(۳۰:۱۲)

            پھر کھانا تناول فرمایئے ۔(بھوک سے کم کھانے کا ذہن دیتے ہوئے تین انگلیوں سے کھانے کی سنت پر عمل کا مشورہ بھی دیجئے اس کی عادت ڈالنے اور دوسروں کو ڈلوانے کیلئے تھوڑے سے ربڑ بینڈ جیب میں رکھ لیے جائیں ۔ہر کھانے کے موقع پر بِنْصر یعنی چھُنگلیا کے برابر والی اُنگلی کو موڑ کر اُس میں ربڑ بینڈ ڈال لینا ،   اِنْ شَاءَ اللہ عزَّوَجَلَّ   مفید رہے گا، مگر امیرِقافلہ یہ وضاحت ضرورکرتا رہے کہ ہم سنّت کی عادت بنانے کیلئے ایسا کررہے ہیں ،  ورنہ انگلی باندھنا سنّت بھی نہیں اور منع بھی نہیں ) ممکن ہوتو {6}  مٹی کے برتن بھی ضرور استعمال کیجئے۔

چوک درس:

            اذانِ ظہر سے۱۲منٹ قبل کسی بارونق مقام پر حقوقِ عامّہ کا خیال رکھتے ہوئے مثلاً راہ چلنے والے مسلمانوں اور مویشیوں وغیرہ کا راستہ روکے بغیر  {7} روزانہ کم از کم دو درس دینے کی نیّت کے ساتھ فیضان سنت سے ۷منٹ چوک درس دیجئے۔

 {8} اذان ہونے پر خاموش ہوجائیے اور اذان کا جواب دیجئے۔اس دوران اشارہ سے گفتگو اور رکھنے اٹھانے وغیرہ کے کاموں سے بھی اِجْتِنَابْ کیجئے(اذان و اقامت کے وقت ہمیشہ اسی طرح اہتمام فرمائیے) ہر اسلامی بھائی کم از کم ایک اسلامی  بھائی کو ساتھ لاکر نماز ِ ظہر {9}   مع سنّت قَبْلِیَّہ {10}  پہلی صف میں تکبیر اولیٰ کے ساتھ {11}     خشوع و خضوع کی سعی کرتے ہوئے باجماعت اد ا کرے۔بعد نماز پورے آداب کا خیال رکھتے ہوئے دعامانگئے۔جواسلامی بھائی قریب کی مسجدوں میں درس کے لئے جائیں گے وہ چوک درس کے بعد روانہ ہوجائیں ۔ البتہ ان میں سے کوئی اسلامی بھائی مسجدمیں ہواوراذان ہوجائے تواب اُسے دوسری مسجدمیں جانے کی اجازت نہیں چنانچہ    دعوتِ اسلامی کے اِشاعتی ادارے مکتبۃُ المدینہ کی مطبوعہ 1250 صَفحات پر مشتمل کتاب ،   ’’ بہارِ شریعت ‘‘  جلداوَل  حصّہ4 صَفْحَہ697پر ہے:

مسئلہ :  جس شخص نے نماز نہ پڑھی ہو اسے مسجد سے اذان کے بعد نکلنا مکروہِ تحریمی ہے۔ حضورِ اکرمصَلَّی  اللہ  تَعَالٰی عَلَیْہِ وَاٰلِہٖ وَسَلَّمَ  نے فرمایا:  ’’ اذان کے بعد جو مسجد سے چلا گیا اور کسی حاجت کے لیے نہیں گیا اور نہ واپس ہونے کا ارادہ ہے وہ منافق ہے۔ ‘‘ (سنن ابن ماجہ، کتاب الاذان والسنۃ فیھا،باب اذا اذن۔۔۔الخ الحدیث:۷۳۴،ج۱،ص۴۰۵)

 



Total Pages: 194

Go To