Book Name:Wasail e Bakhshish

قافِلوں  میں   سفر کی ہو کثرت        ہم سے یوں   دین کی لے لے خدمت

عاجِزانہ الٰہی دُعا ہے                     یاخدا تجھ سے میری دُعا ہے

میری بَک بَک کی عادت مِٹادے        اور آنکھیں   حیا سے جھکا دے

صدقہ عثماں   کا جو باحیا ہے             یاخدا تجھ سے میری دُعا ہے

یاالٰہی کر ایسی عنایت

دیدے ایمان پر اِستِقامت

تجھ سے عطارؔ کی اِلتجا ہے

یاخدا تجھ سے میری دُعا ہے

 

ٹھنڈی ٹھنڈی ہوا حرم کی ہے

ٹھنڈی ٹھنڈی ہوا حرم کی ہے                               بارِش اللّٰہ کے کرم کی ہے

آمِنہ کے مکاں   پہ روزوشب                                بارِش اللّٰہ  کے کرم کی ہے

جو حرم کا ادب کریں   اُن پر                                  بارِش اللّٰہ  کے کرم کی ہے

نوری چادر تنی ہے کعبے پر                                    بارِش اللّٰہ  کے کرم کی ہے

مُلْتَزَم اور بِیرِزَم زَم پر                                     بارِش اللّٰہ  کے کرم کی ہے

باب و میزاب و حَجرِاَسْوَد پر                                    بارِش اللّٰہ  کے کرم کی ہے

مُسْتَجار اور رُکنِ شامی پر                                     بارِش اللّٰہ  کے کرم کی ہے

کیسا رُکنِ عِراقی ہے نِکھرا                                     بارِش اللّٰہ  کے کرم کی ہے

مُسْتَجاب وحَطیم پر بے شک                                بارِش اللّٰہ کے کرم کی ہے

رَحمتیں   ہیں   مَطاف پر بھی اور                               بارِش اللّٰہ  کے کرم کی ہے

پاک گھر کے طواف والوں   پر                               بارِش اللّٰہ  کے کرم کی ہے

مکّۂ پاک پر مدینے پر                                         بارِش اللّٰہ  کے کرم کی ہے

سبز گُنبَد پہ رَحمتیں   ہیں   اور                                   بارِش اللّٰہ  کے کرم کی ہے

کعبۂ پاک پر مَناروں   پر                                      بارِش اللّٰہ  کے کرم کی ہے

ان کے مِحراب اور ِمنبر پر                                   بارِش اللّٰہ  کے کرم کی ہے

یاالٰہی! غمِ مدینہ دے                                        التِجا مصطَفٰے کے غم کی ہے

 

قلبِ مُضطَر کی لاج رکھ مولیٰ               یہ صدا میری چشمِ نَم کی ہے

 



Total Pages: 406

Go To