Book Name:Wasail e Bakhshish

باغِ طیبہ کی ٹھنڈی ہوا کی         میرے مولیٰ تو خیرات دیدے

بھیک دے الفتِ مصطَفٰے کی      سب صَحابہ کی آلِ عَبا([1])کی

غوث و خواجہ کی احمد  رضا کی      میرے مولیٰ تو خیرات دیدے

کوئی حج کاسبب اب بنا دے      مجھ کو کعبے کاجلوہ دکھادے

دیدِ عَرفات و دیدِ مِنیٰ کی           میرے مولیٰ تو خیرات دیدے

دے مدینے کی مجھ کو گدائی                ہو عطا دو جہاں   کی بھلائی

ہے صدا عاجِز و بے نَوا کی         میرے مولیٰ تو خیرات دیدے

حاضری کےلیےجوبھی تڑپے            سبز گنبد کا  دیدار کر لے

اُس کو طیبہ کی مہکی فَضا کی                  میرے مولیٰ تو خیرات دیدے

عازمِ راہِ بغداد کر دے                     جلوۂ غوث سے شاد کر دے

مجھ کو دیدارِ کرب و بلا کی                   میرے مولیٰ تو خیرات دیدے

ہر دم ابلیس پیچھے لگا ہے                     حفظِ ایمان کی التِجا ہے

ہو کرم  اَمنِ روزِ جزا کی                   میرے مولیٰ تو خیرات دیدے

مغفرت کر بروزِ قِیامت                  تُو کرم کر عطا کر عنایت

خُلد میں   قُربِ خیرالورٰی کی             میرے مولیٰ تو خیرات دیدے

بارہ مہ کے مسافِر بنے ہیں                یاجو ’’وقفِ ([2])مدینہ  ‘‘ ہوئے ہیں 

اُن کو عشقِ شہِ دو۲ سَرا کی                میرے مولیٰ تو خیرات دیدے

وہ بچارے کہ بیمار ہیں   جو                 جِنّ و جادو سے بیزار ہیں   جو

اپنی رحمت سے اُن کو شِفا کی             میرے مولیٰ تو خیرات دیدے

وہ کہ آفات میں   مبتَلا ہیں                 جو  گرفتارِ  رنج و بلا ہیں 

فضل سے اُن کو صبر و رِضا کی             میرے مولیٰ تو خیرات دیدے

لا دوا کہہ چکے سب طبیب اب                    دم لبوں   پر ہے ربِّ مُجیب اب

جلوۂ شاہِ ارض وسَما کی                       میرے مولیٰ تو خیرات دیدے

قبر تیرے کرم سے بنے گی              باغ، رَحمت کی چادر تنے گی

روزِ محشر بھی لطف و عطا کی               میرے مولیٰ تو خیرات دیدے

روح، عطارؔ کی جب جدا ہو                سامنے جلوۂ مصطَفٰے ہو

 



[1]     سیِّدُنا علی، سیّدتنا بی بی فاطِمہ، سیِّدُنا امام حسن اور سیِّدُنا امام حسین علیہم الرّضوان کو’’ آ لِ عَبا ‘‘ کہتے ہیں  ۔

[2]     ایسے بے شمارعاشقانِ رسول ہیں   جنہوں   نے دین کے مَدَنی کاموں   کی خاطِر اپنے آپ کو عمر بھر کیلئے دعوتِ اسلامی کے مَدَنی مرکز کے حوالے کر دیا ہے۔ ایسے خوش نصیبوں   کو دعوتِ اسلامی کی اِصطِلاح میں  ’’ وقفِ مدینہ‘‘ کہتے ہیں  ۔



Total Pages: 406

Go To